19.11.2024 | 16:20
Ցանկացած պետական աշխատող պետք է պատրաստ լինի թողնել պաշտոնը․ Ժաննա Անդրեասյան․ ՏԵՍԱՆՅՈՒԹ
ԼՂԻՄ տարածքների և ԼՂ վերջնական կարգավիճակի վերաբերյալ խոսակցությունը բանակցային փուլում ինչ-որ պահի պետք է տեղի ունենա․ Միրզոյան. ՏԵՍԱՆՅՈՒԹ
Քաղաքականություն
06.10.2021 | 18:41
Տևական ժամանակ գործադիր մարմնի ներկայացուցիչներից որևէ մեկից միջազգային որևէ հարթակում չեմ լսել Արցախի հայկական տարածքների օկուպացիայի մասին ամուր հիշատակում: ԱԺ-ում այս մասին ասաց «Պատիվ ունեմ» խմբակցության քարտուղար Հայկ Մամիջանյանը:
Պատգամավորը նշեց, որ իշխանական խմբակցության պատգամավորները պնդում են, թե պետք էլ չէ այդ մասին խոսել:
«Որևէ ռևանշիզմի մասին չէ խոսքը, այլ միջազգային հարթակներում մեր հայրենիքի շահերը պաշտպանելու մասին է և բարձրաձայնելու, որ մեր հայրենիքի որոշ հատված օկուպացված է թշնամու կողմից: Ձեր կառավարության կազմում կա՞ գոնե մեկ հոգի, որ պատրաստ է այս ամբիոնից պնդել, որ մեր հայրենիքի որոշակի հատված օկուպացված է»,-ասաց Հայկ Մամիջանյանը:
Հարցին պատասխանեց ՀՀ արտաքին գործերի նախարար Արարատ Միրզոյանը: Նախարարը նկատեց պատգամավորի հարցի ձևն ամենևին չի նպաստում հարցի էական, բովանդակային քննարկմանը, այնուհետև նշեց. «ԼՂԻՄ մաս հանդիսացած և այժմ Ադրբեջանի վերահսկողության տակ հայտնված տարածքների վերաբերյալ խոսակցությունն առկա է, օրակարգում է, և մեր կողմից մատնանշվում է զանազան միջազգային հարթակներում: Դա և ԼՂ վերջնական կարգավիճակի վերաբերյալ խոսակցությունն ինչ-որ մի պահի բանակցային փուլում պետք է տեղի ունենա»:
Մանրամասները՝ տեսանյութում:
