16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Էրդողանը հայտարարել է, թե Արևմուտքն իր գերակայությունը կորցրել է և նոր աշխարհակարգի ձևավորման կարիք կա
Քաղաքականություն
06.10.2021 | 18:54
Աշխարհակարգի խնդրահարույց ընկալումը՝ հիմնված Արևմուտքի երկրների գերակայության վրա, դառնում է անցյալ։ Այս մասին Kriter ամսագրին տված հարցազրույցում ասել է Թուրքիայի նախագահ Ռեջեփ Թայիփ Էրդողանը, փոխանցում է «Անադոլու»-ն։
Թուրքիայի նախագահի խոսքով՝ աշխարհակարգի հիմքերի վերանայման անհրաժեշտությունն ընկալվում ու ճանաչվում է միջազգային գործընթացների մասնակիցների, այդ թվում՝ Արևմուտքի կողմից։
«Հարյուրամյակներ տևող Արևմուտքի գերակայությունը մոռացության մեջ է, ձևավորվում է նոր միջազգային համակարգ։ Թուրքիայի նման երկրների աճող ուժը նրանց դուրս է բերել միջազգային խաղացողների դերակատարների մեջ։ Խոսքը ոչ միայն մեր երկրի, այլև «միջին ուժի մասշտաբի» շատ այլ պետությունների մասին է, որոնց կշիռն աճում է։ Մենք արդեն ապրում ենք լրիվ այլ աշխարհում, որտեղ իշխում են ոչ միայն խոշոր տերությունները»,- ասել է Էրդողանը։
Նա նաև խոսել է Թուրքիայի ռազմարդյունաբերական համալիրի զարգացման մասին։ Բացի այդ, Էրդողանը կրկին նշել է ՄԱԿ-ի բարեփոխումների կարևորության մասին։
«ՄԱԿ-ը պետք է ուժեղանա, վերածվի մարմնի, որն իսկապես կհամապատասխանի միջազգային հանրության պահանջներին։ Այդ նպատակը հասանելի է։ Կառույցը, որում Գլխավոր վեհաժողովը ՄԱԿ-ի «օրենսդիր» ճյուղն է, իսկ Անվտանգության խորհուրդը՝ «գործադիր», միակ ճանապարհն է աշխարհում արդարության հաստատման»,- ասել է Էրդողանը։
Նա ընդգծել է ՄԱԿ-ում վետոյի պրակտիկայից հրաժարվելու կարևորությունը։
Հավելենք, որ սեպտեմբերի վերջին ՄԱԿ-ի Գլխավոր վեհաժողովի 76-րդ նստաշրջանին մասնակցելու համար Նյու Յորքում գտնվող Թուրքիայի նախագահը ներկայացրել էր իր «Ավելի արդար աշխարհ հնարավոր է» գիրքը, որտեղ կրկին խոսել է ՄԱԿ-ում բարեփոխումների մասին։
Էմմա Չոբանյան
