07.03.2026 | 18:10
Դատախազությունը, չնայած բոլոր սադրանքներին, միշտ լինելու է բարեկիրթ, հարգալից և պրոֆեսիոնալ. Աննա Վարդապետյան
Ադրբեջանն անհանգստությունն է արտահայտում Իրանի վերջին զորավարժությունների հետ կապված․ Լավրովը՝ Իրանի ԱԳ նախարարին
Քաղաքականություն
06.10.2021 | 17:54
ՌԴ և Իրանի ԱԳ նախարարներ Սերգեյ Լավրովն ու Հոսեյն Ամիր Աբդոլլահիանն այսօր հրավիրված համատեղ ճեպազրույցում մեկնաբանել են Ադբեջանի և այլ երկրների կողմից անցկացվող զորավարժությունները։
«Մենք դեմ ենք նրան, որ այստեղ ռազմական ակտիվությունը բարձրացվի, դեմ ենք նրան, որ որևէ զորավարժություն կրի սադրիչ բնույթ։ Կան նաև անհանգստություններ, որոնք Ադրբեջանն է արտահայտում՝ կապված մեր իրանցի ընկերների վերջին զորավարժությունների հետ, որոնք անցկացվել են սահմանին»,-ասել է Սերգեյ Լավրովը։
Ըստ իրանական Mehr գործակալության՝ ի պատասխան՝ Իրանի ԱԳ նախարար Հոսեյն Ամիր Աբդոլլահիանը նշել է, որ Իրանի ուղերձը տարածաշրջանում խաղաղությունն ու կայունությունն է։
«Պարոն Լավրովը նշեց Կովկասի տարածաշրջանում զորավարժությունների մասին։ Ադրբեջանի Հանրապետության ու այլ երկրների կողմից 6 զորավարժություն է անցկացվել։ Իրանը միայն մեկ զորավարժություն է անցկացրել վերջին օրերին, որի մասին դիվանագիտական ուղիներով երկրներին հայտնել է։ Այս զորավարժություններն անցկացվել են Իրանի ներսում՝ իրանական զինված ուժերի կողմից, և մեր ուղերձը տարածաշրջանում խաղաղությունը, բարեկամությունն ու անվտանգությունն է»,- ասել է Իրանի ԱԳ նախարարը։
Էմմա Չոբանյան
