08.06.2026 | 22:58
Հայտնի է նոր Ազգային ժողովի առաջին նիստի օրը
Ձեզ ավելի մեծ դավաճան ու կապիտուլյանտ են անվանում․ Փաշինյանը՝ Կյուրեղյանին. ՏԵՍԱՆՅՈՒԹ
Քաղաքականություն
06.10.2021 | 17:50
ՀՀ վարչապետ Նիկոլ Փաշինյանը, ի պատասխան «Հայաստան» խմբակցության պատգամավոր Արմենուհի Կյուրեղյանի հարցադրման, Ազգային ժողովի ամբիոնից կրկին հայտարարեց, որ պատերազմում ամեն ինչի մեղավորն էլ, պատասխանատուն էլ ինքն է և ընդգծեց, որ այդ մասին հարյուր անգամ արդեն ասել է:
Կյուրեղյանն արձագանքեց՝ ընդգծելով. «Միևնույն է Ձեզ և՛ դավաճան են անվանում, և՛ կապիտուլյանտ»:
Վարչապետը պատասխանեց, թե ընդդիմությանն ավելի մեծ դավաճան ու կապիտուլյանտ են անվանում, և ընտրությունների արդյունքները դրա մասին են վկայում:
«Ձեր դավաճան ու կապիտուլյանտ լինելու մասին, կարծում եմ, առաջիկայում ավելի մանրամասն քննարկումներն կունենանք:
Ես, այո՛, ինձ մեղավոր եմ ճանաչում, այդ թվում՝ բանակը կոռումպացված տարրից չազատելու համար 2018 թվականից հետո:
Ձեր խմբակցության անդամ կա, որ անընդհատ հոկտեմբերի 7-ի մասին անհեթեթ բաներ է խոսում: Հոկտեմբերի 7-ի առաջարկն ընդունվել է, պայմանավորվածությունը ձեռք է բերվել, որի արդյունքով Հայաստանի ԱԳ նախարարը Ադրբեջանի ու ՌԴ ԱԳ նախարարների հետ ստորագրել է փաստաթուղթ, որը հրապարակվել է»,- նշեց Փաշինյանը:
Կյուրեղյանը տեղից միջամտեց՝ ընդհատելով վարչապետի խոսքը: Փաշինյանը հեռացավ ամբիոնի մոտից:
Արմենուհի Կյուրեղյանին նկատողություն հայտարարվեց ոչ պատշաճ բառապաշարի համար:
Մանրամասները՝ տեսանյութում:
