23.08.2026 | 18:52
Շենավանում հրդեհ է բռնկվել․ այրվել են տան և անասնագոմի տանիքները
Բադեն-Բադենում արած ներդրումն ու Շուշիում արած ներդրումը համեմատեք․ ասածիս մեջ ի՞նչ կա ոչ հասկանալի. Փաշինյան. ՏԵՍԱՆՅՈՒԹ
Քաղաքականություն
06.10.2021 | 17:21
ԱԺ-կառավարություն հարցուպատասխանի ընթացքում «Պատիվ ունեմ» խմբակցության անդամ Տիգրան Աբրահամյանն անդրադարձավ վարչապետ Նիկոլ Փաշինյանի հայտարարությանն այն մասին, թե վերջին 30 տարում Շուշիում բնակելի շենքեր չեն կառուցվել։
Աբրահամյանը հետաքրքրվեց, թե արդյո՞ք պատերազմից հետո եղել է Շուշիում և եթե շրջել է, արդյոք չի՞ նկատել այն բոլոր շինությունները, որոնք այնտեղ առկա են՝ թվարկելով մի շարք շինությունների մասին։
«Այն, ինչ տեսնելու էր, ես տեսել եմ, բնականաբար։ Այն, ինչ ասել եմ, բնականաբար, այդ ամենը որևէ կասկածի տակ դրվել չի կարող»,- պատասխանեց Փաշինյանը։
Վարչապետն ասաց, թե կարելի է հաշվել, օրինակ՝ ինչ ծավալների ներդրումներ են արվել Շուշիում և ինչ ծավալի ներդրումներ են արվել Բադեն-Բադենում։
«Հլը տեսնենք էդ ներդրումներն իրար հետ ընդհանրապես համեմատության եզր ունե՞ն։ Այսինքն, ի՞նչ եք ենթադրում այդ հարցապնդումներով։ Այն, ինչ հայտարարել եմ, ճիշտ եմ հայտարարել»,- ասաց Փաշինյանը։
Հիշեցնենք, Լիտվա պաշտոնական այցի շրջանակում երկրի հայ համայնքի ներկայացուցիչների հետ հանդիպմանը Փաշինյանը հայտարարել էր. «Շուշիի մասին այդքան խոսում են, 30 տարվա ընթացքում Շուշիում քանի՞ բնակելի շենք է կառուցվել, ոչ մի: Ինչի՞ չի կառուցվել, փող չեն ունեցե՞լ: Վստահ չեն եղել, որ մնալու է, ակնհայտ է պատասխանը»։
Մանրամասները՝ տեսանյութում:
