14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
ԵՄ 5 երկրներ մտադիր են պարզել Եվրոպայում գազի գնի ռեկորդային թռիչքի պատճառները
Տնտեսություն
06.10.2021 | 15:33
Եվրամիության հինգ երկրներ մտադիր են պարզել Եվրոպայում գազի գնի ռեկորդային թռիչքի պատճառները: Այս մասին ասվում է Ֆրանսիայի, Իսպանիայի, Չեխիայի, Ռումինիայի և Հունաստանի համատեղ հայտարարության մեջ, հայտնում է Bloomberg-ի լրագրող Խավիեր Բլասը Twitter-ի իր միկրոբլոգում:
Հայտարարության մեջ ասվում է, որ «անհրաժեշտ է հասկանալ, թե ինչու են գազի ներկայիս պայմանագրերը Եվրոպայի շուկայի համար անբավարար»:
Երկրները նաև կոչ են արել Եվրոպայի համար գազի պաշարների ծավալների վերաբերյալ ընդհանուր կանոններ սահմանել՝ գների աճը մեղմելու համար: Բացի այդ, նրանք առաջարկել են մեծացնել համակարգումը գնումների հարցում՝ ընդհանուր դիրքերը բարելավելու նպատակով:
Նշվում է, որ սա վերոնշյալ երկրների էկոնոմիկայի և ֆինանսների նախարարների համատեղ հայտարարությունն է:
Տաթև Ֆռանգյան
