19.11.2024 | 18:41
ԵԽ մարդու իրավունքների հանձնակատարն Ալիևին կոչ է արել ազատ արձակել իրավապաշտպաններին, լրագրողներին և քաղակտիվիստներին
Եվրոպայում գազի գինը պատմական առավելագույնի է հասել․ ավելի քան 1900 դոլար՝ հազար խմ-ի դիմաց
Տնտեսություն
06.10.2021 | 14:10
Եվրոպայում գազի ֆյուչերսների գինը մեկ օրում 4 անգամ թարմացրել է առավելագույն ցուցանիշն ու հասել նոր պատմական առավելագույնի՝ հազար խորանարդ մետրի դիմաց գերազանցելով 1900 դոլարը: Այդ մասին են վկայում ICE Futures սակարանի տվյալները, գրում է ՌԻԱ Նովոստին։
Նոյեմբերյան ֆյուչերսների արժեքը, ըստ TTF հոլանդական ինդեքսի, կտրուկ բարձրացել է՝ հասնելով 1937 դոլարի։ Սա արդեն սակարկությունների մեկնարկից հետո գրանցված 4-րդ ռեկորդային ցուցանիշն է․ սակարկությունների մեկնարկին գազի արժեքը հասել է 1596,8 դոլարի՝ 1000 խմ-ի դիմաց, մի քանի րոպե անց՝ 1607,2 դոլարի, իսկ ժամը 11:16-ին նշագիծը հասել է 1712,4 դոլարի։
Այնուամենայնիվ, պատմական ցուցանիշը պահպանվել է ընդամենը մի քանի րոպե, որից հետո այն ընկել է մինչև 1,679 դոլարի: Այժմ գազը վաճառվում է հազար խորանարդ մետրի դիմաց 1765,8 դոլարով, ինչը 27,4 տոկոսով բարձր է նախորդ օրվա հաշվարկված գնից:
Փորձագետների կարծիքով՝ Եվրոպայում գազի գնի կտրուկ բարձրացումը կապված է գազապահեստարանների լցվածության ցածր մակարդակի, հիմնական մատակարարների կողմից առաջարկի սահմանափակման և Ասիայում հեղուկացված բնական գազի բարձր պահանջարկի հետ:
Տաթև Ֆռանգյան
