Քաղաքականություն
05.10.2021 | 19:34
Վրացական Կախեթի շրջանում այսօր տեղի է ունեցել Ադրբեջանի, Թուրքիայի ու Վրաստանի պաշտպանության նախարարներ Զաքիր Հասանովի, Հուլուսի Աքարի և Ջուանշեր Բուրչուլաձեի հանդիպումը։
Նախարարները քննարկել են տարածաշրջանում տիրող ռազմաքաղաքական իրավիճակը, ռազմական համագործակցության զարգացման հեռանկարները եռակողմ ձևաչափում, տարածաշրջանային նախագծերի անվտանգության ապահովումը։ Նշվել է, որ ռազմավարական համագործակցության նման հարթակը՝ հիմնված փոխադարձ վստահության վրա, կարևոր դեր է խաղում տարածաշրջանում խաղաղության ու կայունության, ինչպես նաև երեք երկրների ժողովուրդների բարեկեցության ապահովման տեսակետից։
Կողմերը նաև կարծիքներ են փոխանակել եռակողմ ռազմական համագործակցության համատեքստում փոխադարձ հետաքրքրություն ներկայացնող այլ հարցերի վերաբերյալ:
Հանդիպման արդյունքներով ստորագրվել է արձանագրություն։
Էմմա Չոբանյան
