18.01.2026 | 14:06
Թրամփը ցանկանում է մեկ միլիարդ դոլար երկրներից՝ իր ստեղծած Խաղաղության խորհրդում մշտական անդամակցության համար
Ադրբեջանում փակել են Իրանի Գերագույն հոգևոր առաջնորդի ներկայացուցչի գրասենյակը
Քաղաքականություն
05.10.2021 | 16:55
Բաքվում Հուսեյնիե մզկիթը փակվել է։ Այս մասին ադրբեջանական Report-ին հայտնել է Ադրբեջանի ՆԳ նախարարության մամուլի ծառայության ղեկավար Էհսան Զահիդովը։
Նա ասել է, որ վերջին օրերին Բաքվի որոշ հատվածներում աճել է կորոնավիրուսով վարակվածների թիվը։
«Այսօր կեսօրին ոստիկանության աշխատակիցների ու այլ մասնագետների մասնակցությամբ կատարվել է Հուսեյնիե մզկիթի ստուգում և աղոթավայրի գործունեությունը կասեցվել է։ Ներկայումս համաճարակաբանական ծառայությունը ձեռնարկում է համապատասխան միջոցառումներ»,- ասել է Զահիդովը։
Իրանի գերագույն հոգևոր առաջնորդ այաթոլլա Սեյիդ Ալի Խամենեիի ներկայացուցիչ Օջագ Նեսաթի գրասենյակն Ադրբեջանում գտնվում է Հուսեյնիե մզկիթում:
Հավելենք, որ գրասենյակի փակումը տեղի է ունենում Իրանի ու Ադրբեջանի հարաբերությունների լարվածության ֆոնին։
Էմմա Չոբանյան
