16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Իրանին ընդամենը մի քանի ամիս է բաժանում միջուկային զենքի ոլորտում բեկումնային ձեռքբերումից․ ամերիկացի պաշտոնյա
Քաղաքականություն
05.10.2021 | 16:26
Իրանն առաջընթաց է գրանցել միջուկային ոլորտում, և հիմա Թեհրանին ընդամենը մի քանի ամիս է բաժանում այս ոլորտում բեկումնային՝ միջուկային ռումբ պատրաստելու համար բավականաչափ հարստացված ուրանի ձեռքբերումից: Reuters-ի հաղորդմամբ՝ անանունության պայմանով լրագրողներին այս մասին հայտնել է ԱՄՆ վարչակազմի բարձրաստիճան պաշտոնյան:
Ավելի վաղ ենթադրվում էր, որ Թեհրանն այս փուլին կմոտենա 11-12 ամսվա ընթացքում:
«Ակնհայտ է, որ սա բավականաչափ անհանգստացնող է»,- հայտնել է պաշտոնյան ԱՄՆ նախագահի ազգային անվտանգության գծով օգնական Ջեք Սալիվանի և Իսրայելի Ազգային անվտանգության խորհրդի ղեկավար Էյալ Խուլաթայի՝ Վաշինգտոնում նախատեսված հանդիպումից առաջ։
Այս հանդիպմանը, ըստ ամերիկացի պաշտոնյան, Խուլաթային կտեղեկացնեն, որ նախագահ Ջո Բայդենի վարչակազմը հավատարիմ է իրանական միջուկային խնդրի դիվանագիտական լուծմանը, սակայն, անհրաժեշտության դեպքում, պատրաստ կլինի օգտագործել այլ տարբերակներ՝ Իրանի կողմից միջուկային զենքի ձեռքբերումը կանխելու համար:
«Մենք, իհարկե, նախկինի պես մտադիր ենք հավատարիմ մնալ դիվանագիտական ճանապարհին։ Բայց եթե դա չաշխատի, մենք ամբողջությամբ նվիրված կլինենք երաշխիքի ապահովմանը, որ Իրանը երբեք միջուկային զենք չստեղծի»,- ասել է Բայդենի վարչակազմի ներկայացուցիչը։
Տաթև Ֆռանգյան
