19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ֆիզիկայի բնագավառում Նոբելյան մրցանակը շնորհվել է Երկրի կլիմայի մոդելավորման համար
Հասարակություն
05.10.2021 | 16:14
Ստոքհոլմի Նոբելյան կոմիտեն հայտնել է ֆիզիկայի բնագավառում մրցանակակիրների անունները: Սիկուրո Մանաբեն, Կլաուս Հասելմանը և իտալացի տեսական ֆիզիկոս Ջորջիո Պարիզին մրցանակին արժանացել են բարդ ֆիզիկական համակարգերի ընկալման և Երկրի կլիմայի մոդելավորման բեկումնային հայտնագործությունների համար, հայտնում է BBC-ի ռուսական ծառայությունը:
Կլիմայի փոփոխության համակարգչային մոդելավորման առաջամարտիկ, ճապոնական ծագմամբ ամերիկացի կլիմատոլոգ Սիկուրո Մանաբեն և օվկիանոսաբանության, օդերևութաբանության, կլիմատոլոգիայի և վիճակագրության ոլորտում գերմանացի ֆիզիկոս Կլաուս Հասելմանը կիսել են 2021 թվականի ֆիզիկայի Նոբելյան մրցանակը «Երկրի կլիմայի ֆիզիկական մոդելավորման, փոփոխությունների քանակական գնահատականի և գլոբալ տաքացման հուսալի կանխատեսման համար»:
Այս տարի Ստոքհոլմում Նոբելյան մրցանակների շնորհումը տեղի է ունենում առանց ավանդական հավաքույթների, իսկ դափնեկիրները մեդալներ և դիպլոմներ են ստանում իրենց տներում:
Ֆիզիկայի, քիմիայի, բժշկության, տնտեսության և խաղաղության Նոբելյան մրցանակները հանձնվում են հոկտեմբերի 4-11-ը:
Տաթև Ֆռանգյան
