03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Բելառուսի խորհրդարանը կասեցրել է ԵՄ-ի հետ հետընդունման մասին համաձայնագիրը
Քաղաքականություն
04.10.2021 | 17:54
Բելառուսի խորհրդարանի վերին պալատը հավանություն է տվել «Բելառուսի Հանրապետության և Եվրոպական միության միջև առանց կեցության թույլտվության մնացած անձանց հետընդունման մասին համաձայնագրի կասեցման մասին» օրենքի նախագծին։ Այս մասին հաղորդում է ԲԵԼՏԱ-ն։
Ավելի վաղ համապատասխան օրենքի նախագիծն ընդունվել էր խորհրդարանի ստորին պալատի կողմից:
Բելառուսի ՆԳՆ ղեկավար Իվան Կուբրակովը նշել է, որ օրինագծի ընդունումը «չի հանգեցնի ֆինանսատնտեսական բնույթի բացասական հետևանքների»:
«Կարծում եմ, որ այս միջոցը ժամանակավոր է, և համաձայնագրի գործունեությունը կվերսկսվի երկկողմ հարաբերությունների կարգավորումից հետո»,- ասել է նախարարը՝ օրենքի նախագիծը ներկայացնելով խորհրդարանում:
Հունիսի 28-ին Բելառուսի ԱԳՆ-ն հայտարարել էր, որ Մինսկը դադարեցնում է մասնակցությունը ԵՄ Արևելյան գործընկերության ծրագրին, չի կատարի ԵՄ-ի հետ հետընդունման համաձայնագիրը, և որ հետ է կանչում Բրյուսելում իր դեսպանին: Այս միջոցները որակվել են «հարկադիր պատասխան» ԵՄ պատժամիջոցներին:
Տաթև Ֆռանգյան
