30.06.2026 | 18:30
Հայաստանի և Վրաստանի ՆԳ նախարարները քննարկել են երկկողմ համագործակցության ու տարածաշրջանային խաղաղության հարցեր
Գերմանիայում թուրք տղամարդու են ձերբակալել Թուրքիայի օգտին լրտեսության կասկածանքով
Քաղաքականություն
04.10.2021 | 15:12
Գերմանիայի ոստիկանությունը Դյուսելդորֆում թուրք տղամարդու է ձերբակալել, որի մոտ եղել է զենք և Գյուլենի շարժման աջակիցների ցուցակ, գրում է Ahval-ը։
Գերմանիայի դատախազը հայտարարել է, որ Ալի Դ․-ն ձերբակալվել է Թուրքիայի կառավարության համար լրտեսության կասկածանքով։ 40-ամյա թուրք տղամարդը տեղեկություններ է հավաքել Քյոլնի շրջանում գյուլենական շարժման աջակիցների մասին։ Դատախազները կարծում են, որ նա գործել է թուրքական հետախուզական ծառայության ղեկավարմամբ։
Ավելի վաղ Գերմանիայի հատուկ նշանակության ուժերը Դյուսելդորֆի հյուրանոցում գործողություն էին իրականացրել և գյուլենական շարժման աջակիցների անուններով ցուցակ գտել։ Ոստիկանները նաև ինքնաձիգ և 200 փամփուշտ են հայտնաբերել թուրք տղամարդու մոտ։
Նշենք, որ Թուրքիայի կառավարությունը գյուլենական շարժումը համարում է ահաբեկչական կազմակերպություն։
Էմմա Չոբանյան
