11.12.2024 | 18:32
Մխիթար Հայրապետյանը ուղղորդե՞լ է Հակոբ Ասլանյանին «մեղայականով» հանդես գալ․ պատգամավորն ուշագրավ սքրինշոթեր է հրապարակել
ԵՐԵՎԱՆԻ ԺԱՄԱՆԱԿՈՎ. Ռեժիմով սրամտել չի կարելի. Քրիստ Մանարյանը` ներկայիս հեռուստահաղորդումների մասին
Հաղորդաշարեր
15.06.2017 | 18:00
«Որքան էլ սիրենք Երևանը, չենք կարող սիրել այնքան, որքան ինքն է մեզ սիրում»,- ասել է երգահան, գրող Քրիստ Մանարյանը՝ Factor.am-ի «Երևանի ժամանակով» զրուցաշարի շրջանակում։ Նա խոստովանել է, որ տարիներ առաջ ծայրաստիճան հիասթափությունը դրդել է իրեն գնալ Երևանից. «Հոգնել էի, հեռանկար չկար, բայց ոչ ոքի խորհուրդ չեմ տա կրկնել դա, նեղացած չի կարելի գնալ… Մի՛ նեղացիր քո քաղաքից…Բոլորս անցողիկ ենք, մնայունը միայն Երևանն է»։
Քրիստ Մանարյանը խոսել է նաև «Ագուլիս» տիկնիկային թատրոն-ստուդիայի ճակատագրի մասին (գեղարվեստական ղեկավարն է)։ Թատրոնն արդեն երկու տարի է՝ փակել է իր դռները. այն վերանորոգման կարիք ունի։ «Ագուլիսի» տարածքը պատկանում է մշակույթի նախարարությանը: «Վերանորոգման համար, սակայն, գումար չկա, առաջարկեցի տարածքը մասնավորեցնել, որպեսզի ներդրողները փորձեն օգնել, սակայն մերժվեցի։ Այժմ վերանորոգումն իրականացնելու համար միջոցներ ենք փնտրում, դիմում եմ և՛ պետական մարմիններին, և՛ մասնավոր հատվածին»,- ասել է Մանարյանը։
Մի շարք հումորային ծրագրերի հեղինակն անդրադարձել է նաև այսօր հեռարձակվող հաղորդումների որակին: «Ռեժիմով սրամտել չի կարելի։ Բոլոր հեռուստաընկերությունների եթերում դա ենք տեսնում՝ տափակ կատակներ և անհասկանալի իրավիճակներ։ Իսկ քաղաքական հումորը երևի վտանգավոր է…Քաղաքականությունը շառ է, էսօր մեկին կպնես, վաղը կկանչեն պատասխանատվության»,- նկատել էմեր զրուցակիցը։
Շատերն այսօր հիշում են Քրիստ Մանարյանի վարած «Տունտունիկ» մանկական ծրագիրը։ Նա հույս է հայտնել, որ շուտովկրկին եթերում կլինի նմանատիպմի հաղորդում.«Հայտնվել են մարդիկ, որոնք ուզում են այդ գործը կյանքի կոչել»,- նշել է նա։
Աննա Բաբաջանյան
