18.07.2026 | 13:06
Հակակոռուպցիոն կոմիտեն դիմել է Արդարադատության նախարարությանը՝ helpcourt.am-ի գործունեության հարցով
Պատրաստ չեմ Ձեր հարցին պատասխանել. Քոչարյանը` ՌԴ-ի հետ միութենական պետություն ստեղծելու մասին․ ՏԵՍԱՆՅՈՒԹ
Քաղաքականություն
04.10.2021 | 13:15
Ընդդիմության որոշ գործիչներ, ուժեր, պատերազմական ծանր վիճակից դուրս գալու տարբերակ առաջարկում էին Ռուսաստանի հետ միութենական տարբերակ ստեղծելու գաղափարը: Ի՞նչ կարծիք ունեք այս մասին, արդյո՞ք այս տարբերակը Ձեզ համար քննարկման ենթակա է, թե՞ ամեն դեպքում Հայաստաի անկախությունը Ձեզ համար բացարձակ, անսակարկելի արժեք է. այսօր՝ հոկտեմբերի 4-ին մամուլի ասուլիսի ժամանակ անդրադառնալով այս հարցին՝ ՀՀ երկրորդ նախագահ Ռոբերտ Քոչարյանն ընդգծեց, որ պատրաստ չէ պատասխանել:
«Ես նախագահ էի 10 տարի: Այդ ժամանակ ձևավորվեց Ռուսաստանի Դաշնություն-Բելառուս միութենական պետությունը: Նման հարց երբեք չի քննարկվել: Այն, ինչ տեսնում եմ հիմա, հարցեր է առաջացնում: Այս տեմպերով արդյո՞ք մենք ունենք բավարար ռեսուրսներ պետականաշինության համար: Հիմա ես պատրաստ չեմ միանշանակ պատասխան տալ: Մեր պետականությանը սպառնացող վտանգների վերլուծություն է անհրաժեշտ:
Անվտանգության տեսանկյունից` ինձ մոտ այնպիսի տպավորություն է, որ գուցե ավելի լայն ձևաչափի կարիք կա»,- ասաց նախկին նախագահը:
Նա ընդգծեց, որ ՀԱՊԿ-ը, ըստ էության, մեզ չպաշտպանեց: «Փաստացի Ադրբեջանն դրա անդամների հետ ավելի լավ հարաբերություններ ունի, քան մենք: Հայաստանը պետք է հարաբերություններն այլ հարթություն տեղափոխեր: Երբ ես նախագահ էի, չլսված բան էր, որ Բելառուսը որևէ միջազգային ատյանում մեր դեմ քվեարկեր, թե ինչու այսպես եղավ, չգիտեմ»,- ասաց Քոչարյանը:
Մանրամասները՝ տեսանյութում:
