23.08.2026 | 20:00
Ձուկը ջրում «բազար անելու» ՇԵՐՏԵՐԸ․ տնտեսվարողը կհասնի՞ Եվրոպա. ՏԵՍԱՆՅՈւԹ
ԱՄՆ պետդեպարտամենտի մամուլի խոսնակը՝ Սաակաշվիլիի ձերբակալության մասին
Քաղաքականություն
02.10.2021 | 14:55
ԱՄՆ-ն ուշադիր հետևում է Վրաստանի երրորդ նախագահ Միխեիլ Սաակաշվիլիի ձերբակալությանն ու զարգագումներին՝ հայտարարել է ԱՄՆ պետդեպարտամենտի մամուլի խոսնակ Նեդ Փրայսը. գրում է aliq.ge-ն:
«Մենք կոչ ենք անում Վրաստանի իշխանություններին ապահովել, որ պարոն Սաակաշվիլին վայելի հավասարության սկզբունքը՝ համաձայն Վրաստանի օրենքների և Վրաստանի մարդու իրավունքների միջազգային պարտավորությունների»,-«Ամերիկայի ձայնին» ասել է պետդեպարտամենտի ներկայացուցիչը:
Միխեիլ Սաակաշվիլին ձերբակալվել է Թբիլիսիում երեկ՝ հոկտեմբերի 1 -ին: Երեկ վաղ առավոտյան նա հայտարարել էր, թե Վրաստանում է, իսկ ավելի ուշ տեսանյութեր հրապարակել` նշելով, թե գտնվում է Բաթումիում, սակայն ներքին գործերի նախարարությունն ու իշխանություններն ամբողջ օրվա ընթացքում հաղորդում էին, թե Սաակաշվիլին չի հատել Վրաստանի սահմանը:
