29.06.2026 | 21:58
Վրաստանն ու Ղազախստանը ռազմավարական գործընկերության մասին հռչակագիր են ստորագրել
Աֆղանստանում ամերիկյան զորքերի թողած զենքը գնահատվում է 85 միլիարդ դոլար
Քաղաքականություն
01.10.2021 | 16:33
Աֆղանստանում ամերիկյան զորքերի թողած զենքի ընդհանուր արժեքը գնահատվում է 85 միլիարդ դոլար: Այս մասին հայտարարել է Ռուսաստանի ռազմատեխնիկական համագործակցության դաշնային ծառայության (ФСВТС) տնօրեն Դմիտրի Շուգաևը, գրում է MK.ru-ն:
«Անկեղծ ասած՝ 85 միլիարդ դոլարի թիվն ուղղակի սարսափեցնում է»,- ասել է նա «Զվեզդա» հեռուստաալիքի եթերում։
Ըստ Շուգաևի՝ խոսքը 22 հազար զրահամեքենայի, 358 հազար ավտոմատ հրազենի, 176 հրետանային սարքավորումների, 8000 բեռնատարի, տրանսպորտային ինքնաթիռների, ավելի քան հարյուր ուղղաթիռի մասին է։
«Զինել են մինչև ատամները»,- նկատել է Շուգաևը։
Մեկնաբանելով Աֆղանստանից ԱՄՆ ԶՈՒ-ի հեռացումը՝ նա նշել է, որ ավելի վատ սցենար «մտածել դժվար կլիներ»։
«Ամերիկացի գործընկերների կանխատեսելիությունն ու հուսալիությունը չդիմացան ժամանակի փորձությանը: Նման դեպքերում նրանք ասում են, որ «իրենք իրենց ոտքին են կրակել»»,- բացատրել է Դմիտրի Շուգաևը:
Տաթև Ֆռանգյան
