23.08.2026 | 20:00
Ձուկը ջրում «բազար անելու» ՇԵՐՏԵՐԸ․ տնտեսվարողը կհասնի՞ Եվրոպա. ՏԵՍԱՆՅՈւԹ
Որոնք են Երևան քաղաքում ամենաշատ օգտագործվող մթերքները. ՏԵՍԱՆՅՈՒԹ
Տնտեսություն
01.10.2021 | 13:03
Հայաստանի բնակչությունն օրգանիզմին անհրաժեշտ սպիտակուցների 51%-ը ստանում է ալրային հենքով մթերքների և հատիկեղենի միջոցով, իսկ կենդանական ծագման սննդամթերքով՝ 15 %, այն դեպքում, երբ այլ երկրներում կենդանական ծագման սպիտակուցները կազմում են մարդկանց սննդակարգի 35-50%-ը: Այս մասին այսօր հրավիրված ասուլիսում հայտնեց ՀՀ ԳԱԱ «Էկո կենտրոն»-ի սննդի ռիսկերի գնահատման կենտրոնի ղեկավար Դավիթ Պիպոյանը:
Ըստ Պիպոյանի՝ մարդը սննդակարգում օրական պետք է ունենա 400 գրամ միրգ և բանջարեղեն՝ 200/200 գրամ հարաբերակցությամբ, բայց տարվա 7-8 ամիսը բնակչության մոտ այն պակաս է 30-40 %-ով և միայն ամռան ամսիներին է այն լրացվում:
«Հայաստանի բնակչության 50 %-ը ԵԱՏՄ ստանդարտների համաձայն օրական 2500 կալորիա սնունդ չի ստանում՝ կարողանում է ապահովել 1800-2000 կալորիան»,- նշեց Պիպոյանը:
Նա հայտնեց, որ մայրաքաղաքում ամենից շատ սպառում են ծորակի ջուրը, այնուհետև հացը և երրորդ տեղում կարտոֆիլն է։
Մանրամասները՝ տեսանյութում:
