10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Վահան Շիրխանյանի առողջական վիճակում դրական դինամիկան դանդաղ է. պաշտպան. ՏԵՍԱՆՅՈՒԹ
Հասարակություն
01.10.2021 | 12:13
Վահան Շիրխանյանի առողջական վիճակում զգալի փոփոխություն չկա, աննշան դրական փոփոխություններ են եղել: Այս մասին այսօր «Նորքի զինված խմբի» գործով դատական նիստում հայտնեց նրա փաստաբան Հայկ Ալումյանը` ներկայացնելով իր պաշտպանյալի բացակայության պատճառը։
Հայկ Ալումյանը՝ ներկայացրեց բժշկական տեղեկանքներ: Ըստ տեղեկանքներից մեկի՝ Շիրխանյանին նշանակվել է տնային անկողնային ռեժիմ:
Հիշեցնենք՝ 2015-ի նոյեմբերի 25-ին ԱԱԾ-ն հայտարարություն էր տարածել այն մասին, որ Նորք–Մարաշում զինված խումբ է վնասազերծվել:
Ըստ մեղադրանքի՝ 20 հոգանոց խումբը գլխավորել է Արթուր Վարդանյանը։ Խումբը ծրագրել էր բռնությամբ զավթել իշխանությունը: Մասնավորապես` թռիչքի պահին խոցել նախագահի օդանավը, հարձակում գործել պետական կառավարման համակարգի կառույցների`ՀՀ նախագահի նստավայրի, Ազգային ժողովի, Սահմանադրական դատարանի, Կառավարության, Հանրային հեռուստաընկերության և այլ հաստատությունների շենքերի վրա:
Գործով ամբաստանյալի կարգավիճակում է 20 անձ, այդ թվում՝ պաշտպանության նախկին փոխնախարար Վահան Շիրխանյանը: 2018 թվականի հունիսի 25-ին Վահան Շիրխանյանը ազատ արձակվեց դատարանի դահլիճից։ Շիրխանյանի փաստաբան Հայկ Ալումյանը Շիրխանյանի հանդեպ «անօրինական գործողությունների» դեմ գանգատ է ներկայացրել ՄԻԵԴ։
