25.04.2026 | 18:02
Փաշինյանը ներկա է գտնվել Մալխաս և Ռոման Ամոյանների անվան նոր մարզադպրոցի հիմնարկեքի արարողությանը
Միխեիլ Սաակաշվիլին հայտարարել է, որ Վրաստան է վերադարձել
Քաղաքականություն
01.10.2021 | 10:59
Վրաստանի նախկին նախագահ Միխեիլ Սաակաշվիլին հայտարարել է, որ վերադարձել է երկիր: Այս մասին նա գրել է ֆեյսբուքի իր էջում:
«Բարի լույս Վրաստան: Ութ տարի է անցել», – գրել է նա:
Ավելի ուշ Սաակաշվիլին տեսաուղերձ է տեղադրել, որում հայտարարել է, որ գտնվում է Բաթումում:
Նրա հիմնած «Միացյալ ազգային շարժում» կուսակցությունից ասել են, որ իրենք չգիտեն Սաակաշվիլիի վերադարձի մանրամասները:
Վրաստանի ՆԳՆ-ից ՌԻԱ Նովոստիին հայտնել են, որ Սաակաշվիլին չի հատել պետական սահմանը:
Ավելի վաղ Վրաստանի նախկին նախագահը հայտարարել էր, որ երկիր կվերադառնա հոկտեմբերի 2-ի երեկոյան: Նա ասել էր, որ ինքնաթիռի տոմսեր է գնել Կիևից Թբիլիսի: Վարչապետ Իրակլի Ղարիբաշվիլին էլ հայտարարել էր, որ Վրաստան ժամանելուց հետո Սաակաշվիլին «կձերբակալվի և կուղարկվի բանտ»:
