09.06.2026 | 22:17
Տրանսպորտային միջոցը երկրորդ շարքում կանգառ կամ կայանում կատարելու համար կազմվել է 7595 արձանագրություն․ ՆԳՆ
ԱՄՆ Պետքարտուղարությունն արձագանքել է ԿԺԴՀ-ի կողմից նոր գերձայնային հրթիռների փորձարկմանը
Քաղաքականություն
30.09.2021 | 14:32
ԱՄՆ Պետքարտուղարությունը մեկնաբանել է Հյուսիսային Կորեայի կողմից գերձայնային հրթիռների վերջին փորձարկումները:
«Մենք լուրջ ենք վերաբերվում զենքի ոլորտում ցանկացած նոր հնարավորության մասին լուրերին և, ինչպես նախկինում հայտարարել ենք, դատապարտում ենք հրթիռների ապօրինի արձակումը, որոնք ապակայունացնում են տարածաշրջանը»,- ասել է ամերիկյան գերատեսչության ներկայացուցիչը «ՌԻԱ Նովոստիին» տված հարցազրույցում, փոխանցում է «Իզվեստիա»-ն:
Նրա խոսքով՝ ամերիկացի մասնագետները ներկայում աշխատում են «վերջերս կատարված արձակման բնույթի առանձնահատկությունների հաստատման» ուղղությամբ, իսկ երկրի իշխանություններն այս թեմայի շուրջ «սերտորեն համագործակցում են» իրենց դաշնակիցների հետ։
Հիշեցնենք, որ հյուսիսկորեական լրատվամիջոցները հաղորդել էին, որ ԿԺԴՀ-ն մեկ օր առաջ փորձարկել է նոր տեսակի «Հվասոն 8» գերձայնային հրթիռը:
Սեպտեմբերի 28-ին հաղորդվում էր, որ Հյուսիսային Կորեան անհայտ արկ է արձակել Ճապոնական ծովի ուղղությամբ։ Ճապոնիայի կառավարությունը կասկած է հայտնել, որ խոսքը բալիստիկ հրթիռի մասին է։
Տաթև Ֆռանգյան
