15.12.2025 | 15:14
Պապոյանը՝ Բաքվից նավթ գնելու մասին//Լեհ երկրպագուների գործով ձերբակալվածներից 5-ը ռուսներ են․ ԼՈՒՐԵՐ
«Առնվազն անբարոյականություն է որևէ մեկին հորդորել՝ չվերադառնալ իր երկիր»․ Սաակաշվիլի
Քաղաքականություն
29.09.2021 | 19:50
«Ես մտադիր չեմ ֆիզիկապես երևալ քվեարկության ավարտից առաջ, բայց կարծում եմ, որ որևէ մեկին կոչ չանել չվերադառնալ իր երկիր, առնվազն անբարոյականություն է», – գրել է Վրաստանի նախկին նախագահ Միխեիլ Սաակաշվիլին սոցիալական ցանցերում, փոխանցում է Վրաստանի առաջին ալիքը։
Այս գրառման մեջ Սաակաշվիլին արձագանքել է Եվրախորհրդարանի պատգամավոր Վիոլա ֆոն Կրամոնի այսօրվա հայտարարությանը:
«Մինչ մենք կսկսենք խոսել միջնորդության նոր փուլի մասին, գուցե դուք պետք է ավարտեք Իվանիշվիլիի լքած առաջին միջնորդությունը: Ինչ վերաբերում է իմ որոշմանը, ինչպես ես բազմիցս նշել եմ, ես մտադիր չեմ ֆիզիկապես հանդես գալ քվեարկության ավարտից առաջ, բայց ես կարծում եմ, որ ինչ-որ մեկին իր երկիր չվերադառնալու կոչն առնվազն անբարոյականություն է», – գրել է Միխեիլ Սաակաշվիլին:
Եվրախորհրդարանի պատգամավոր Վիոլա ֆոն Կրամոնը ասել է, որ Վրաստանի վճռորոշ ընտրություններից կարճ ժամանակ առաջ առճակատումն ու բռնությունը հասնում են ծայրահեղ վտանգավոր մակարդակի: Նրա խոսքով, այս իրավիճակում ոչ մի քաղաքական գործիչ, ով անկեղծորեն երկրի շահերը վեր է դասում ամեն ինչից, չպետք է նպաստի ավելի շատ բեւեռացմանը: Ֆոն Կրամոնի խոսքով, նման քաղաքական միջավայրում ընտրությունների օրը Վրաստան վերադառնալու Սաակաշվիլիի մտադրությունը չի ծառայում Վրաստանի շահերին:
Միաժամանակ, Վիոլա ֆոն Կրամոնը նշում է, որ «ԵՄ-ն չունի ոչ ռեսուրսներ, ոչ էլ ցանկություն միջամտել ևս մեկ անհարկի քաղաքական ճգնաժամին, որն անխուսափելիորեն ծագելու է, եթե Սաակաշվիլին վերադառնա»:
