16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ճապոնիայի ԱԳՆ նախկին ղեկավարը կգլխավորի երկրի կառավարությունը
Քաղաքականություն
29.09.2021 | 15:03
Ճապոնիայի նախկին արտգործնախարար Ֆումիո Կիսիդան սեպտեմբերի 29-ին ընտրվել է երկրի իշխող Լիբերալ-դեմոկրատական կուսակցության (ԼԴԿ) նոր նախագահ: Սա նշանակում է, որ ենթադրաբար հոկտեմբերի 4-ին խորհրդարանի ստորին պալատը, որտեղ մեծամասնություն է կազմում ԼԴԿ-ն, Կիսիդային կընտրի Ճապոնիայի վարչապետ, գրում է DW-ի ռուսական ծառայությունը։
64-ամյա Ֆումիո Կիսիդան իշխող կուսակցության ղեկավար է ընտրվել երկրորդ փուլում քվեարկության արդյունքներով՝ հաղթելով երկրի ՆԳ նախկին նախարար Տարո Կոնոյին:
Ճապոնիայի գործող վարչապետ Յոսիհիդե Սուգան հրաժարականի մասին հայտարարել էր կորոնավիրուսային համաճարակի հետևանքով առաջացած ճգնաժամի ֆոնին՝ կառավարության ղեկավարի պաշտոնում աշխատելով ընդամենը մեկ տարի։
Նրա իրավահաջորդը՝ Ֆումիո Կիսիդան, ստիպված կլինի արագորեն բարելավել իր կուսակցության իմիջը, քանի որ արդեն նոյեմբերին Ճապոնիայում տեղի են ունենալու խորհրդարանի ստորին պալատի ընտրությունները։
