29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Ֆրանսիան և Հունաստանը սպառազինությունների ձեռքբերման ու փոխադարձ պաշտպանության ռազմավարական համաձայնագիր են ստորագրել
Քաղաքականություն
28.09.2021 | 21:57
Ֆրանսիայի նախագահ Էմանուել Մակրոնն ու Հունաստանի վարչապետ Կիրիակոս Միցոտակիսը Փարիզի Ելիսեյան պալատում հայտարարել են երկու կողմերի միջև սպառազինությունների ձեռքբերման ու փոխադարձ պաշտպանության համաձայնագրի մասին։ Այս մասին գրում է Greek City Times-ը։
Մամուլի համար հայտարությունը սկսել է Ֆրանսիայի նախագահը, որն այս պայմանագրի ստորագրումը բնութագրել է որպես շատ կարևոր պահ, որը վերջին 18 ամիսների ինտենսիվ համագործակցության գագաթնակետն է։
Հունաստան-Ֆրանսիա համագործակցությունը ԵՄ-ի և ՆԱՏՕ-ի մասն է, սակայն Մակրոնն ասել է, որ նոր համաձայնագիրը նաև Եվրոպական անկախությանն է նպաստում։
«Մենք ունենք ընդհանուր տեսլական։ Հունաստանն ուներ մշակույթ նախքան ազգ դառնալը և թույլ տվեց մեզ լինենք այնպիսին, ինչպիսին կանք»,- ասել է Մակրոնը։
Նա նաև նշել է, որ երկու դարերի ընթացքում Հունաստանը կարողացել է հետ չմնալ Եվրոպայից և այն Եվրոպայի սիրտն է՝ բաբախող սիրտը։
Հունաստանի վարչապետն էլ իր հերթին նշել է, որ պատմական օր է Հունաստանի և Ֆրանսիայի համար։
«Ռազմավարական գործընկերության համաձայնագրի ստորագրումն ամրապնդում է հայտնի իրողությունը, երկու երկրներն արդեն զարգացրել են ամուր գործընկերություն, որը դուրս են գալիս մեր՝ ԵՄ-ի և ՆԱՏՕ-ի հարաբերություններից»,- ասել է Միցոտակիսը։
Նա նաև հայտնել է, որ 24 Rafale կործանիչների ձեռքբերումից հետո Հունաստանը երեք նոր ռազմանավ է գնելու՝ ևս մեկը ձեռք բերելու տարբերակով։
Էմմա Չոբանյան
