29.06.2026 | 17:42
Ուրսուլա ֆոն դեր Լայենը աշխատանքային այցով կժամանի Հայաստանի Հանրապետություն
Ես փորձում էի հորդորել դատարանին՝ չշարունակել մեր իրավունքների խախտումը․ Արմեն Գևորգյանի պաշտպան. ՏԵՍԱՆՅՈՒԹ
Հասարակություն
28.09.2021 | 15:10
«Ես փորձում էի հորդորել դատարանին՝ չշարունակել մեր իրավունքների խախտումը… 25 տարվա փաստաբանական գործունեության մեջ առաջին անգամ են ինձնից խոսափող խլում»,- այս մասին լրագրողների հետ զրույցում ասաց փաստաբան Լուսինե Սահակյանը՝ մեկնաբանելով դատարանի հետաձգված նիստը ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործով։
«Ակնհայտ է, որ դատարանը հատուկ վերաբերմունք ունի։ Բոլորս գիտենք, որ դատավարությունը քաղաքական է, բայց դատարանը հատուկ վերաբերմունք ունի Արմեն Գևորգյանի հանդեպ»,- նշեց փաստաբանը՝ ավելացնելով, որ իրավական գործընթացի պատճառով, որտեղ թե՛ ինքը՝ դատավորն է հանդես գալիս, թե՛ հիմա արդեն Գևորգյանի նախկին փաստաբան Էրիկ Ալեքսանյանը, դատավորին չի հաջողվում մնալ պրոֆեսիոնալ բարձրության վրա։
Խոսելով մեկ շաբաթ դատավարությունը հետաձգելու մասին՝ փաստաբանը նշեց, որ չի պատկերացնում մեկին, ով մեկ շաբաթում կարող է ծանոթանալ գործի ավելի քան 80 հատորին։ «Ակնհայտ է, որ հաջորդ նիստը չի կարող տեղի ունենալ, որովհետև փաստաբանը ծանոթացած չի լինի գործի նյութերին։ Ակնհայտ է նաև, որ դատարանն իր գրաֆիկն ունի և ցանկանում է ընթանալ իր գրաֆիկով՝ անկախ այն բանից, թե ում իրավունքները և որքանով կխախտի, դա նրան չի հետաքրքրում։ Բայց մենք համաձայն չենք։ Ես չեմ կարող թույլ տալ, որ խախտվեն իմ պաշտպանյալի իրավունքները և իմ իրավունքները նույնպես։ Ոչ մի փաստաբան չի կարող լռել իրավունքների նման խախտման դեպքում»,- ընդգծեց փաստաբանը։
Նա հավելեց, որ տարօրինակ է նաև մեղադրող դատախազների վարքագիծը:
Մանրամասները՝ տեսանյութում:
