Քաղաքականություն
28.09.2021 | 13:27ԱԺ պաշտպանության և անվտանգության հարցերի հանձնաժողովը այսօր հերթական նիստին քննարկում է ԱԺ փոխնախագահի ընտրության հարցը:
«Հայաստան» խմբակցության անդամները արհեստական համարեցին հարցի քննարկումը և լքեցին նիստերի դահլիճը:
«Ամեն անգամ նույն ձևով ներկայացնել, քննարկել, հարց տալ, հետո դեմ քվեարկել: Այս անիմաստ քննարկմանը մենք չենք կարող մասնակցել: Մեր գործընկերները հանձնաժողովի նիստից կհեռանան»,- ասաց Գեղամ Մանուկյանը և լքեց նիստերի դահլիճը:
Անդրանիկ Քոչարյանն էլ ասաց, որ հարցեր ունեն հանձնաժողովի նախագահի թեկնածու Արթուր Ղազինյանին և հորդորեց չլքել նիստերի դահլիճը:
Արթուր Ղազինյանն արձագանեց.«Հարցեր պետք է ուղղվեն ձեզ՝ թե ինչու հոկտեբերի 7-ին չեք դադարեցրել պատերազմը, դուք եք եղել իշխանության: Իմ՝ հոկտեմբերի 7-ին պատերազմը դադարեցնելու հանգամանքներն ուսումնասիրող ենթահանձնաժողով ստեղծելու առաջարկը մերժվեց… Իշխանությանը հետաքրքիր չէ, թե ինչ հանգամանքներում է տեղի ունեցել մերժումը, երբ հազարավոր մարդիկ կարող էին չզոհվել… Օրակարգն ինձ համար սպառված է, ես շարունակելու ցանկություն չունեմ»,- ասաց Ղազինյանը և լքեց նիստերի դահլիճը:
«Մեծ-մեծ չխոսեք»,- Ղազինյանին արձագանքեց Անդրանիկ Քոչարյանը:
Մանրամասները՝ տեսանյութում:
