13.12.2024 | 22:26
Նախիջևանի առանձին համազորային բանակի հրամանատարն այցով Թուրքիայում է
Վրաստանի վարչապետը հայտարարել է, որ Սաակաշվիլին երկիր վերադառնալուն պես կձերբակալվի
Քաղաքականություն
28.09.2021 | 13:38
Վրաստանի նախկին նախագահ Միխայիլ Սաակաշվիլին, որը պատրաստվում է հոկտեմբերի 2-ին հայրենիք վերադառնել՝ տեղական ինքնակառավարման մարմինների ընտրությունների համար, կձերբակալվի, երբ ոտք դնի վրացական տարածք։ Այս մասին երեքշաբթի լրագրողների հետ զրույցում ասել է Վրաստանի վարչապետ Իրակլի Ղարիբաշվիլին, հաղորդում է ՏԱՍՍ-ը:
«Հենց որ Սաակաշվիլին ոտք դնի մեր հողի վրա, նույն պահին նրան կձերբակալվի և կտանվի բանտ: Իսկ բոլոր նրանք, որոնք կխոչընդոտեն այդ գործընթացին, նույնպես ամենախիստ ձևով կպատժվեն օրենքի շրջանակում»,- հավելել է նա։
Վրաստանի վարչապետը վստահ է, որ Սաակաշվիլիի նպատակն իշխանությունը վերադարձնելն է, սակայն նա հիշեցրել է որ հիմա 2003 թվականը չէ, երբ նախկին նախագահն իր համախոհների հետ Վրաստանում «վարդերի հեղափոխություն» իրականացրեց և իշխանության եկավ:
«Սաակաշվիլիի միակ խնդիրն ու նպատակն անկարգություններն են, ապակայունացումն ու քաոսը մեր երկրում: Նրա միակ ցանկությունն է՝ վերադարձնել իշխանությունը, սա անհասանելի երազանք է Սաակաշվիլիի և նրա թիմի համար: Այսօր պետությունը հզոր է, Միխոն և նրա բանդան թող չկարծեն, որ սա 2003 թվականն է։ Բոլորը խստորեն պատասխան կտան ցանկացած սադրանքի համար, իհարկե՝ օրենքի շրջանակում»,- հայտարարել է Իրակլի Ղարիբաշվիլին։
Նշենք, որ երկուշաբթի Միխայիլ Սաակաշվիլին տեղեկացրել է, որ հոկտեմբերի 2-ի երեկոյան Թբիլիսի թռիչքի տոմս է գնել: Ավելի ուշ համացանցում նա ամրագրված տոմսի լուսանկարները, որտեղ նշվում է, որ նա պատրաստվում է հայրենիք վերադառնալ մոր՝ Գիուլի Ալասանիայի հետ:
