23.08.2026 | 20:00
Ձուկը ջրում «բազար անելու» ՇԵՐՏԵՐԸ․ տնտեսվարողը կհասնի՞ Եվրոպա. ՏԵՍԱՆՅՈւԹ
Թուրքիայի պաշտպանության նախարարը ՌԴ-ին մեղադրել է Իդլիբի շուրջ պայմանավորվածությունը խախտելու մեջ
Քաղաքականություն
28.09.2021 | 12:49
Թուրքիայի պաշտպանության նախարար Հուլուսի Աքարն ու զինված ուժերի գլխավոր շտաբի պետ, բանակի գեներալ Յաշար Գյուլերը մասնակցել են տեսակոնֆերանսի, որի ընթացքում Աքարն անհանգստություն է հայտնել վերջին շրջանում Սիրիայի Իդլիբ նահանգում Ռուսաստանի ավիահարվածների կապակցությամբ. գրում է ermenihaber-ը:
Աքարի խոսքով՝ Թուրքիան հավատարիմ է Իդլիբի շուրջ նախկինում ձեռք բերված պայմանավորվածությանը: Սակայն ընդգծել է, որ վերջին շրջանում Իդլիբում ավելացել են օդային հարվածները, ինչը հակասում է Ռուսաստանի ու Թուրքիայի միջև ստորագրված փոխըմբռնման հուշագրի դրույթներին: Թուրք նախարարը նշել է, որ այդ առումով ռուս-թուրքական բանակցությունները շարունակվում են:
Օրերս լուրեր շրջանառվեցին այն մասին, որ սեպտեմբերի 29-ին կայանալիք Թուրքիայի ու ՌԴ նախագահների հանդիպմանը ընդառաջ ռուսական օդուժը սկսել է ինտենսիվորեն հարվածներ հասցնել ահաբեկչական խմբավորումների հենակետերին Իդլիբում: Ըստ մամուլի՝ երկու նախագահների հանդիպման օրակարգային հարցը լինելու է Սիրիայի թեման:
Տեղեկացնենք, որ փոխըմբռնման հուշագիրը Թուրքիայի ու Ռուսաստանի միջև ստորագրվել է 2019-ին, ըստ որի՝ Սիրիայի հյուսիս-արևելքը բաժանվում է պատասխանատվության գոտիների՝ Թուրքիայի, Սիրիայի կառավարական ուժերի ու Ռուսաստանի միջև։
