07.03.2026 | 14:59
Օդի ջերմաստիճանը կնվազի 2-4 աստիճանով
Անտոնիո Գուտերեշը հույս է հայտնել, որ Ադրբեջանը և Հայաստանը կշարունակեն երկխոսությունը
Քաղաքականություն
28.09.2021 | 10:03
ՄԱԿ -ի գլխավոր քարտուղար Անտոնիո Գուտերեշը հուսով է, որ Ադրբեջանը և Հայաստանը կշարունակեն երկխոսությունը՝ ՄԱԿ -ի Գլխավոր ասամբլեայի 76 -րդ նստաշրջանի շրջանակներում երկու երկրների արտգործնախարարների հանդիպումից հետո: Այս մասին ասված է Գլխավոր քարտուղարի գրասենյակի կողմից երկուշաբթի օրը տարածված հայտարարության մեջ. փոխանցում է ՏԱՍՍ-ը:
«Գլխավոր քարտուղարը ողջունում է նախարարների անմիջական երկխոսության վերականգնումը Լեռնային Ղարաբաղում և նրա շուրջ հակամարտությունից մեկ տարի անց և հույս ունի, որ այդ ջանքերը կշարունակվեն և կդառնան ավելի լայն երկխոսության մաս` լուծելու առկա խնդիրները և կայուն խաղաղ կարգավորման հասնելու համար»,-ասվում է հայտարարության մեջ:
Հիշեցնենք,. որ ԵԱՀԿ Մինսկի խմբի համանախագահների մասնակցությամբ կայացել էր հանդիպում Հայաստանի և Ադրբեջանի արտաքին գործերի նախարարներ Արարատ Միրզոյանի և Ջեյհուն Բայրամովի միջև:
