07.11.2024 | 19:23
Հայաստան է ժամանել Գունշտեյն Բրուասդալը. քննարկվել են Հայաստան-ՆԱՏՕ համագործակցությանն առնչվող հարցեր
Թալիբները հայտարարել են, որ Քաբուլի օդանավակայանը պատրաստ է վերագործարկման
Քաղաքականություն
26.09.2021 | 19:36
«Թալիբան» շարժումը հայտարարել է, որ Քաբուլի օդանավակայանը լիովին պատրաստ է ներքին և միջազգային չվերթներ իրականացնելու համար․ գրում է ՌԻԱ Նովոստին։
«Քանի որ Քաբուլի միջազգային օդանավակայանի բոլոր խնդիրները լուծվել են, այն պատրաստ է թռիչքների համար։
Մենք հավաստիացնում ենք, որ բոլոր ավիաընկերությունները պատրաստ են թռիչքներ իրականացնել ու համագործակցել, և կոչ ենք անում բոլոր այն ընկերություններին ու երկրներին, որոնք թռիչք են իրականացրել դեպի Քաբուլ, վերականգնել չվերթները»,-Twitter-ի իր էջում գրել է Աֆղանստանի ժամանակավոր կառավարության ԱԳՆ ներկայացուցիչ Աբդուլ Կախար Բալխին։
Հիշեցնենք, որ Քաբուլի օդանավակայանը կաթվածահար էր եղել թալիբների՝ իշխանությունը գրավելուց հետո։
