23.04.2026 | 12:02
Սամվել Կարապետյանը հանդիպում է անցկացրել կուսակցականների հետ․ ՏԵՍԱՆՅՈՒԹ
Սասուն Խաչատրյանը հայց է ներկայացրել «Ժողովուրդ» օրաթերթի դեմ
Հասարակություն
25.09.2021 | 13:45
Հատուկ քննչական ծառայության նախկին պետ, Հակակոռուպցիոն կոմիտեի նորանշանակ նախագահ Սասուն Խաչատրյանը դատական հայց է ներկայացրել «Ժողովուրդ» օրաթերթի դեմ, որը երեկ մուտքագրվել է դատարան:
Դեռևս երկու շաբաթ առաջ «Ժողովուրդ» օրաթերթը «Սասուն Խաչատրյանը ստորագրեց իր մեղադրական եզրակացությունը» վերտառությամբ հոդված էր հրապարակել Խաչատրյանի` Մոսկվայում բնակարան ունենալու, ինչպես նաև նրա և հարազատների սեփականությունների մասին՝ մեղադրելով ՀՔԾ նախկին պետին մի շարք ապօրինի գործարքների մեջ:
Հատուկ քննչական ծառայությունը հիշյալ հրապարակման կապակցությամբ հերքում էր տարածել` լրատվամիջոցին մեղադրելով զրպարտության մեջ` միաժամանակ պահանջելով ներողություն խնդրել սուտ լուրեր տարածելու համար: Լրատվամիջոցն օրենքով սահմանված ժամանակահատվածում չէր հերքել տեղեկությունը, ինչից հետո Խաչատրյանը հայց է ներկայացրել դատարան՝ զրպարտչական տեղեկատվությունը հրապարակայնորեն հերքելու, պատվին ու արժանապատվությանը պատճառված վնասը փոխհատուցելու պահանջների մասին: Որպես փոխհատուցում՝ Սասուն Խաչատրյանը 2 միլիոն ՀՀ դրամ է պահանջում լրատվամիջոցից:
Այս պահին դեռևս հայտնի չէ, թե որ դատավորը կքննի հայցադիմումը:
Ռոզա Վարդանյան
