18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ադրբեջանի մի շարք շրջաններում ջրհեղեղ է․ կա զոհ, տարհանվել են ընտանիքներ․ ԼՈՒՍԱՆԿԱՐՆԵՐ
Քաղաքականություն
24.09.2021 | 20:19
Ադրբեջանի հյուսիսարևմտյան շրջաններում նախօրեին հորդառատ անձրևների պատճառով հեղեղումներ են գրանցվել, մի շարք լեռնային գետերի ջրի մակարդակը բարձրացել է։
Մասնավորապես, ադրբեջանական լրատվամիջոցները, վկայակոչելով ԱԻ նախարարությանը, հաղորդում են, որ Բալաքենի և Զաքաթալայի շրջաններում հեղեղվել են տներ, հողատարածքներ, վնասվել է բերքը։
Բալաքենի շրջանում Բալաքենչայ գետը դուրս է եկել հունից, այդ պատճառով գետի ափին գտնվող Սալբան բնակավայրում անհրաժեշտություն է առաջացել տարհանել մարդկանց։ Նշվում է, որ տարհանվել է 25 ընտանիք՝ 80 մարդ։
Հաղորդվում է նաև, որ մահացել է Զաքաթալայի շրջանի բնակիչներից մեկը․ 53-ամյա բնակիչը խեղդվել է Քաթեղ գետում, երբ փորձել է գետն անցնելով հասնել Քաթեղ գյուղ։
ԱԻՆ-ը փոխանցում է նաև, որ հեղեղումների ու սելավի հետևանքով Զաքաթալայի և Բալաքենի շրջաններում խնդիրներ են առաջացել գազի, ջրի ու էլեկտրաէներգիայի մատակարարման հետ կապված։
Նշվում է, որ ԱԻՆ ուժերը, ներառյալ՝ պետական հրշեջ ծառայության, քաղաքացիական պաշտպանության զորքերը, ավիացիոն ջոկատը, Հյուսիս-արևմտյան տարածաշրջանային կենտրոնի ստորաբաժանումները ձեռնարկում են անհրաժեշտ բոլոր միջոցառումները՝ հեղեղումների հետևանքները վերացնելու համար:
Էմմա Չոբանյան
