07.11.2024 | 20:48
Երևան-Սևան-Իջևան-ՀՀ սահման ճանապարհի մի հատվածում ժամանակավորապես երթևեկությունը կկազմակերպվի ձախ երթևեկելի գոտիով
ՌԴ-ում կորոնավիրուսից մահացության առավելագույն ցուցանիշն է գրանցվել համաճարակի սկզբից ի վեր
Քաղաքականություն
24.09.2021 | 19:23
Ռուսաստանում SARS-CoV-2 կորոնավիրուսով վարակի տարածման նոր աճ է գրանցվել: Վարակների վերահսկման օպերատիվ կենտրոնը սեպտեմբերի 24-ին հայտնել է 21,438 նոր դեպքի մասին, որն ամենաբարձր ցուցանիշն է օգոստոսի 15-ից ի վեր: Համաճարակի սկզբից ի վեր երկրում վարակվածների ընդհանուր թիվը հասել է 7,354,995 -ի, գրում է DW-ի ռուսական ծառայությունը:
Այս ցուցանիշի համաձայն՝ Ռուսաստանի Դաշնությունն այժմ զբաղեցնում է աշխարհում 5-րդ տեղը՝ ԱՄՆ-ից, Հնդկաստանից, Բրազիլիայից և Մեծ Բրիտանիայից հետ: Վերջին օրվա ընթացքում կորոնավիրուսով պայմանավորված մահվան դեպքերի թիվը 828 է (նախորդ օրը՝ 820): Վարակի հետևանքով մահացության նման ցուցանիշ գրանցվել է համաճարակի սկզբից ի վեր առաջին անգամ:
Ըստ «Ռոսպոտրեբնադզորի»՝ կորոնավիրուսով վարակման դեպքերի 6-7 տոկոսով աճ է գրանցվել Ռուսաստանի 36 շրջաններում, այդ թվում՝ Մոսկվայում: Ռուսաստանի մայրաքաղաքում մեկ օրում հայտնաբերվել է կորոնավիրուսային հիվանդության 3,445 նոր դեպք: Սա հուլիսի վերջից ի վեր ամենաբարձր ցուցանիշն է և երկու անգամ ավելին է, քան նախորդ օրը:
Մոսկվայում, Նիժնի Նովգորոդի շրջանում, Պերմի երկրամասում, Բաշկիրիայում, ինչպես նաև Ղրիմում արդեն խոսում են կորոնավիրուսի չորրորդ ալիքի մասին:
Տաթև Ֆռանգյան
