18.01.2026 | 19:11
Խուսափեք երրորդ կողմերի միջամտությունից և հավելյալ վճարներից․ ՀՀ-ում ԱՄՆ դեսպանատնից զգուշացնում են
Բաքուն Մոսկվայից զենք գնելու հայտեր է ներկայացրել
Քաղաքականություն
24.09.2021 | 12:37
Ադրբեջանի նախագահ Իլհամ Ալիևը ռուսական National Defence ամսագրին տված հարցազրույցում հայտնել է, որ Բաքուն մտադիր է զարգացնել Մոսկվայի հետ ռազմատեխնիկական համագործակցությունը:
«Բոլոր ուղղություններում մենք լավ աշխատանք ենք կատարում, այդ թվում՝ ռազմատեխնիկական համագործակցության։ Բնական է, այժմ նայում ենք նոր մշակումներին։ Տեխնիկական խմբերն ուսումնասիրում են նոր հնարավորությունները, որոշների համար արդեն հայտ ենք ներկայացրել։ Այնպես որ՝ Ռուսաստանի հետ համագործակցությունն այդ ուղղությամբ նույնպես զարգանում է»,- ասել է Ալիևը։
Ադրբեջանի նախագահը նաև հատուկ շնորհակալություն է հայտնել 44-օրյա պատերազմի ընթացքում իրեն եթեր տրամադրելու համար։
«Ես շնորհակալ եմ «Ռոսիա 1» հեռուստաալիքին, երբ «60 րոպե» հաղորդման ուղիղ եթերում իմ դիրքորոշումը ներկայացրի։ Երբ արդար պայքար է ընթանում՝ լինի դա մարտի դաշտում, թե տեղեկատվական տարածքում, հայկական կողմը որևէ հնարավորություն չուներ»,- հայտարարել է Ալիևը։
Ի դեպ, National Defence ամսագրի գլխավոր խմբագիրը Ռուսաստանում Ադրբեջանի հայտնի լոբբիստ Իգոր Կորոտչենկոն է։
Էմմա Չոբանյան
