23.08.2026 | 21:47
Ջրափրկարարները քաղաքացիներին անվնաս դուրս են բերել ափ
270 միլիոն մարդ բախվելու է պարենի պակասուրդի․ Տոկաև
Քաղաքականություն
23.09.2021 | 22:01
Պարենի համաշխարհային կազմակերպության գնահատականների համաձայն՝ այս տարի 270 միլիոն մարդ բախվելու է պարենի պակասուրդի հետ։ Այս մասին հայտարարել է Ղազախստանի նախագահ Կասիմ-Ժոմարտ Տոկաևը ՄԱԿ-ի Գլխավոր վեհաժողովի 76-րդ նստաշրջանի ընդհանուր քննարկումների ժամանակ ունեցած ելույթում, գրում է «Անադոլուն»։
Տոկաևը կենտրոնացել է աշխարհի առջև ծառացած երեք սպառնալիքի վրա՝ COVID-19-ից հետո վերականգնում, կլիմայական ճգնաժամ և Աֆղանստանում հումանիտար իրավիճակ։
«Տնտեսական ու սոցիալական հետևանքները շարունակում են շատ ծանր մնալ։ Կտրուկ աճել է գործազրկությունը, հարյուր միլիոնավոր մարդիկ մնացել են առանց գոյատևման միջոցների։ Այսօր ավելի քան 130 միլիոն մարդ ապրում է ծայրահեղ աղքատության պայմաններում։ Զարգացման ոլորտում տասնամյա առաջընթացը կարող է զրոյանալ։ Շատ առումներով համաճարակը մերկացրել է մեր խոցելիությունը և ընդգծել բազմակողմանիության ու միջազգային համերաշխության ծայրահեղ կարևորությունը: Մենք պետք է վերականգնենք ավելի արդար, կայուն և մարդասեր աշխարհ»,- ընդգծել է Տոկաևը:
Ղազախստանի ղեկավարը քննարկման մասնակիցների ուշադրությունը կենտրոնացրել է ածխաթթու գազի ռեկորդային բարձր մակարդակի վրա: Անտառային հրդեհները, ցիկլոնները, ջրհեղեղներն ու երաշտները դարձել են նոր ամենօրյա իրականություն՝ ավերածություններ առաջացնելով և տառապանք պատճառելով։
Տաթև Ֆռանգյան
