06.05.2024 | 12:34
ՄԱԿ-ի գլխավոր քարտուղարի օգնականն այցելել է Գեղարքունիք և Տավուշ
Խաբարովսկի մոտակայքում հայտնաբերվել են ռադարներից անհետացած Ան-26-ի բեկորները․ անձնակազմի բոլոր անդամները զոհվել են
Քաղաքականություն
23.09.2021 | 13:05
Խաբարովսկի մոտակայքում հայտնաբերվել են չորեքշաբթի ռադարներից անհետացած Ան-26-ի բեկորները, որում եղել է ինքնաթիռի վեց հոգանոց անձնակազմը: Վթարի վայր է մեկնել որոնողա-փրկարարական խումբը, գրում է BBC-ի ռուսական ծառայությունը:
«Անձնակազմի բոլոր անդամները զոհվել են»,- այս մասին ՌԻԱ Նովոստիին հայտնել է արտակարգ ծառայություններում սեփական աղբյուրը։
Ան-26-ը ռադարներից անհետացել է Խաբարովսկի օդանավակայանից 38 կմ հեռավորության վրա՝ Խեխցիր արգելոցի տարածքում: Ինքնաթիռը թռիչք է կատարել նավիգացիոն ռադիոհսկողության համակարգերից դուրս:
Փրկարար ծառայությունները հայտնում են, որ հինգշաբթի տեղի ժամանակով 11:30-ի սահմաններում ինքնաթիռի բեկորները գտել է փրկարարական Մի-8 ուղղաթիռը: Դրանք հայտնաբերվել են Բոլշեխեխցիրսկու անվան բնության արգելոցի լեռնաշղթայի տարածքում: ՏԱՍՍ գործակալության զրուցակցի վկայակոչած տվյալներով էլ՝ ինքնաթիռն ընկել է Խաբարովսկի երկրամասի «Զապովեդնոյ Պրիամուրե» արգելոցի և ազգային պարկի տարածքում, լեռան ստորոտին՝ Կորֆովսկի գյուղի շրջանում, ճանապարհից 3 կմ հեռավորության վրա:
Վթարի վայր է մեկնել ցամաքային փրկարարական ջոկատը:
«Նախնական տվյալներով՝ ինքնաթիռն ընկել է դժվարամատչելի տարածքում: Բարձր ծառերի, ինչպես նաև քամու ուժեղ պոռթկումների պատճառով՝ վայրկյանում մինչև 18 մետր, անհնար է, որ օդանավը [որը ներգրավված է որոնողական աշխատանքներում] վայրէջք կատարի վթարի վայրում, ինչպես նաև անհնար է դեսանտ իջեցնել դեպքի վայր»,- «Ինտերֆաքս»-ին հայտնել են Արտակարգ իրավիճակների նախարարության մամուլի ծառայությունից:
Տաթև Ֆռանգյան
