07.03.2026 | 18:10
Դատախազությունը, չնայած բոլոր սադրանքներին, միշտ լինելու է բարեկիրթ, հարգալից և պրոֆեսիոնալ. Աննա Վարդապետյան
Սիրիան Թուրքիայից պահանջում է անհապաղ դուրս բերել զորքերը հանրապետության տարածքից
Քաղաքականություն
23.09.2021 | 14:08
Սիրիայի իշխանությունները պահանջում են, որ Թուրքիան անհապաղ դուրս բերի իր զորքերը հանրապետության հյուսիսային նահանգների տարածքից: ՌԻԱ Նովոստիին այս մասին ասել է Սիրիայի արտգործնախարար Ֆեյսալ Միքդադը՝ մեկնաբանելով Իդլիբ նահանգում լարվածության վերջին սրումը:
«Ես կարծում եմ, որ Թուրքիան պետք է անհապաղ դուրս բերի իր զորքերը: Միջազգային հանրությունն իր հերթին պետք է աջակցի Սիրիայի ջանքերին՝ երկրի հյուսիսում գրավյալ տարածքներն ազատագրելու ուղղությամբ»,- ասել է Միքդադը:
Սիրիայի ԱԳՆ ղեկավարի խոսքով՝ այս սրացման հիմնական պատճառը «թուրքական օկուպացիան է, ինչպես նաեւ այն աջակցությունը, որն Անկարան տեղում տրամադրում է ահաբեկչական խմբավորումներին»:
Սիրիայի հարցով ՄԱԿ-ի հատուկ բանագնաց Գեյր Պեդերսենը օգոստոսին նշել էր անվտանգության իրավիճակի վատթարացումը և Սիրիայի որոշ շրջաններում զինված հակամարտության նոր սրումը:
Տաթև Ֆռանգյան
