07.03.2026 | 16:45
Կենտրոնում փոշու պարունակությունը գերազանցել է սահմանային թույլատրելի կոնցենտրացիան գրեթե ամբողջ շաբաթ
Թուրքական նոր Bayraktar TB3-ը առաջին թռիչքը կիրականացնի 2022 թվականին
Քաղաքականություն
22.09.2021 | 17:29
Թուրքական նոր հարվածային Bayraktar TB3 անօդաչու թռչող սարքն առաջին թռիչքը կիրականացնի 2022 թվականին։ Այս մասին հայտարարել է «Բայրաքթար» ընկերության տեխնիկական տնօրեն Սելջուկ Բայրաքթարը միջազգային Take Off գագաթնաժողողի ընթացքում, որն անցկացվում է Ստամբուլում Teknifest փառատոնի ընթացքում, գրում է «Անադոլու» գործակալությունը։
«Նայելով ապագային՝ մենք կարող ենք տեսնել Bayraktar TB3-ի կոնցեպցիան։ Այս անօդաչուն արբանյակային կառավարմամբ հաղթահարում է հազարավոր կիլոմետրեր։ Խոսքը հարվածային դրոնի մասին է, որն իր չափերով գերազանցում Bayraktar TB2-ին ու զիջում Akinci-ին։ Այն առանձնանում է նրանով, որ թռիչք ու վայրէջք է իրականացնում կարճ թռիչքուղով նավերի վրա։ Այդ հնարավորությունը չունեն աշխարհում նրա շատ անալոգներ»,- ասել է Բայրաքթարը։
Նա նաև հայտնել է, որ «Բայքար» ընկերությունը զբաղվում է հայրենական անօդաչու ռազմական ինքնաթիռի մշակմամբ։ Ըստ Բայրաքթարի՝ նոր անօդաչու ինքնաթիռն իրական հեղաշրջում է իրականացնելու ռազմական արդյունաբերության ոլորտում։
«Մեր անօդաչու ավիացիան շատերին ստիպեց փոխել ռազմական կոնցեպցիան։ Հուսով ենք, որ նոր Bayraktar TB3-ն իր առաջին թռիչքը կիրականացնի 2022 թվականին, իսկ 2023-ին նախատեսում ենք կյանքի կոչել հայրենական անօդաչու ռազմական ինքնաթիռի նախագիծը»,- ասել է Սելջուկ Բայրաքթարը։
Էմմա Չոբանյան
