13.02.2026 | 10:39
Իրավապահները խուզարկում են «Իզմիրլյան» ԲԿ-ի տնօրեն Արմեն Չարչյանի աշխատասենյակը
ՌԴ իշխանությունները հայտարարել են շուրջ 40 միլիոն բնակչության պատվաստման մասին
Քաղաքականություն
22.09.2021 | 17:52
Ռուսաստանում գրեթե 40 միլիոն մարդ ամբողջությամբ պատվաստվել է կորոնավիրուսի դեմ: Այս մասին NTV հեռուստաալիքի եթերում հայտարարել է «Ռոսպոտրեբնադզորի» ղեկավար Աննա Պոպովան, գրում է DW-ի ռուսական ծառայությունը:
Միևնույն ժամանակ, նա նախազգուշացրել է երկրի մի շարք շրջաններում COVID-19-ով վարակվածների թվի աճի մասին:
«Եթե նախորդ շաբաթ մենք ասում էինք, որ աճի փուլում ունենք ընդամենը 11 սուբյեկտ, ապա անցյալ շաբաթ դրանց թվին ավելացել է ևս 25-ով, և այժմ ունենք 36 սուբյեկտ»,- նշել է Պոպովան՝ մատնանշելով հակահամաճարակային միջոցառումներ ապահովող բոլոր համակարգերի պատրաստման անհրաժեշտությունը:
«Ռոսպոտրեբնադզորի» ղեկավարը հիշեցրել է, որ կորոնավիրուսի «դելտա» շտամի առանձնահատկությունը դրա արագ տարածումն է:
«Հետևաբար, բնակչության ավելի մեծ մասը պետք է պաշտպանվի պատվաստանյութի օգնությամբ»,- ընդգծել է Աննա Պոպովան:
Տաթև Ֆռանգյան
