16.01.2025 | 14:35
Հայաստանի ֆիզիկական կուլտուրայի և սպորտի պետական ինստիտուտի ռեկտորի ընտրության արդյունքները հաստատվեցին
Կրեմլը ցավում է, որ Էրդողանի խոսքերը Ղրիմի մասին հնչում են նրա՝ ՌԴ այցի նախաշեմին
Քաղաքականություն
22.09.2021 | 15:39
Կրեմլը ցավում է Թուրքիայի նախագահ Ռեջեփ Թայիփ Էրդողանի՝ Ղրիմի մասով արված հայտարարության համար այն պահին, երբ նախապատրաստվում է նրա այցը ՌԴ։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Ցավում ենք, որ նման հայտարարություններ են հնչում հիմա, երբ պատրաստվում է պարոն նախագահի աշխատանքային այցը ՌԴ։ Ամեն դեպքում, մենք նախընտրեինք կենտրոնանալ մեր երկկողմ հարաբերությունների հետագա զարգացման և շատ թեժ տարածաշրջանային մարտահրավերների լուծման հարցում համագործակցության թեմաների վրա, որոնք կանգնած են մեր երկրների առջև»,- ասել է Պեսկովը։
Նա նշել է, որ Թուրքիայի դիրքորոշումը Ղրիմի հարցում շատ լավ հայտնի է Ռուսաստանին, ինչի հետ Մոսկվան կտրականապես համաձայն չէ։
«Մենք այդ դիրքորոշման հետ կտրականապես համաձայն չենք և կշարունակենք աշխատել թուրքական կողմի հետ»,- հավելել է Պեսկովը։
Հիշեցնենք՝ ՄԱԿ-ի Գլխավոր վեհաժողովի 76-րդ նստաշրջանում ունեցած ելույթում Էրդողանը հայտարարել է, որ Թուրքիան ճանաչում է Ուկրաինայի տարածքային ամբողջականությունն ու չի ընդունում Ղրիմի բռնակցումը։
Էմմա Չոբանյան
