25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
«Թալիբան»-ը Քաբուլում հանդիպումներ է անցկացնում ՌԴ-ի, Չինաստանի և Պակիստանի ներկայացուցիչների հետ
Քաղաքականություն
21.09.2021 | 18:53
Աֆղանստանի ժամանակավոր կառավարության ղեկավար մոլլա Մոհամմադ Հասան Ախունդը Քաբուլում բանակցություններ է անցկացնում Ռուսաստանի, Չինաստանի և Պակիստանի ներկայացուցիչների հետ։ Այս մասին Թվիթերում գրառմամբ հայտնել է շարժման ներկայացուցիչ Ահմուդ Մութաքին, գրում է EADaily-ն։
Հրապարակվել են նաև բանակցություններից լուսանկարներ, որոնցում երևում են Աֆղանստանում ՌԴ նախագահի հատուկ ներկայացուցիչ Զամիր Կաբուլովը, Քաբուլում Պակիստանի կառավարության հատուկ ներկայացուցիչ Մոհամմադ Սադիկ Խանը, ինչպես նաև Աֆղանստանի հարցերով Չինաստանի հատուկ ներկայացուցիչ Յուե Սյոյուն։
Թալիբների կողմից կան Աֆղանստանի ժամանակավոր կառավարության մի շարք անդամներ, այդ թվում՝ ֆինանսների նախարար մոլլա Հիդայաթուլլահ Բադրին, ինչպես նաև արտգործնախարար Ամիր Խան Մոթաքին: Հանդիպման մանրամասներ դեռ չեն հաղորդվում:
Տաթև Ֆռանգյան
