30.07.2026 | 18:53
«Ասացին՝ վարորդական իրավունք Արցախում եք ստացել»․ քաղաքացին պնդում է՝ վերականգնման նոր կարգավորումից չի կարողանում օգտվել
ՌԴ ԿԸՀ-ն հաշվել է Պետդումայի ընտրությունների քվեների 99,84%-ը
Քաղաքականություն
20.09.2021 | 19:44
Ըստ Ռուսաստանի Դաշնության Կենտրոնական ընտրական հանձնաժողովի տվյալների ՝ ձայների 99,84% տոկոսի մշակումից հետո Պետդումա է մտնում հինգ կուսակցություն․ առաջատարն է «Միասնական Ռուսաստան» կուսակցությունը՝ ձայների 49,83 տոկոսով, երկրորդ տեղում է Ռուսաստանի Դաշնության կոմունիստական կուսակցությունը՝ 18,94տոկոսով, երրորդ տեղում է Լիբերալ-Դեմոկրատական կուսակցությունը՝ 7.52%-ով, չորրորդ տեղում է «Արդար Ռուսաստան – հայրենասերներ»` 7.47%-ով և« Նոր մարդիկ » կուսակցությունը՝ 5.33%-ով, գրում է ՌԻԱ Նովոստին։
Հիշեցնենք՝ ավելի վաղ, քննարկելով ընտրությունների արդյունքները «Ազատություն» ռադիոկայանի եթերում, ընտրությունների ընթացքին հետևած «Գոլոս» հասարակական կազմակերպության համանախագահը ՌԴ մայրաքաղաքում օնլայն քվեարկության գործընթացն անվանել է խայտառակ, իսկ բուն ընտրությունները՝ «ամենակեղտոտներից մեկը ՌԴ պատմության մեջ»։
Ուդոտի կարծիքով՝ Մոսկվայում տեղի ունեցած էլեկտրոնային քվեարկության արդյունքները պետք է ամբողջությամբ անվավեր ճանաչվեն։ Ռուսաստանի Դաշնության Պետդումայի ընտրություններում էլեկտրոնային քվեարկությունն իրականացվել է 7 մարզում, այդ թվում ՝ Մոսկվայում:
Քվեարկության ավարտից կարճ ժամանակ անց Կենտրոնական ընտրական հանձնաժողովը հրապարակեց արդյունքները բոլոր շրջաններից, բացառությամբ Մոսկվայի: «Ինչ է տեղի ունեցել, և ինչու է Մոսկվան այսքան ժամանակ ամփոփում այս արդյունքները, ես դեռ չգիտեմ», – հայտարարել էր ԿԸՀ ղեկավար Էլլա Պամֆիլովան:
Տաթև Ֆռանգյան
