16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՄԱԿ-ի գլխավոր քարտուղարը կոչ է արել խուսափել նոր սառը պատերազմից
Քաղաքականություն
20.09.2021 | 21:38
ՄԱԿ-ի գլխավոր քարտուղար Անտոնիո Գուտերեշն ԱՄՆ-ին և Չինաստանին կոչ է արել ջանքեր գործադրել՝ խուսափելու նոր սառը պատերազմից, որը կարող է շատ ավելի վտանգավոր դառնալ, քան նախորդն էր: ՄԱԿ-ի Գլխավոր ասամբլեայի նախաշեմին Գուտերեշը հայտարարել է, որ երկու երկրների միջև զարգացող առճակատումը սպառնում է ամբողջ աշխարհին, գրում է Euronews-ը։
«Որոշ հարցերում առճակատումն անխուսափելի է: Սա վերաբերում է մարդու իրավունքներին, ինչպես նաև մի շարք աշխարհառազմավարական խնդիրներին, մասնավորապես ՝ Հարավչինական ծովում իրավիճակին։ Կան նաև հարցեր, որոնցում, ինձ թվում է, շահերը համընկնում են, և որտեղ պետք է լինի սերտ համագործակցություն, օրինակ` կլիման: Կան նաև հարցեր, որոնք լուրջ բանակցությունների կարիք ունեն, ինչպես օրինակ առևտուրը և տեխնոլոգիաները: Ցավոք, այժմ կա միայն առճակատում: Անհրաժեշտ է վերականգնել երկու տերությունների ֆունկցիոնալ հարաբերությունները»,- հայտարարել է Գուտերեշը:
Պեկինի ու Վաշինգտոնի միջև հակամարտությունը կլինի ՄԱԿ-ի գլխավոր ասամբլեայի գլխավոր թեմաներից մեկը, որին կմասնակցի շուրջ 100 համաշխարհային առաջնորդ։ Այլ կարևոր հարցերի շարքում է Թալիբանի իշխանության տակ անցած Աֆղանստանում տնտեսական իրավիճակն ու կլիմայի փոփոխությունը, ինչպես նաև՝ համաճարակի հաղթահարման ճանապարհները։
Տաթև Ֆռանգյան
