25.04.2026 | 19:17
Հայաստանի Մ-17 հավաքականը Երևանում պարտվեց Հունգարիային․ ՏԵՍԱՆՅՈՒԹ
Շոյգուն ու Լավրովը հրաժարվելու են իրենց պատգամավորական մանդատներից
Քաղաքականություն
20.09.2021 | 16:56
ՌԴ արտաքին գործերի և պաշտպանության նախարարներ Սեյգեյ Լավրովն ու Սերգեյ Շոյգուն հրաժարվելու են Պետդումայի իրենց մանդատներից խորհրդարանական ընտրություններում «Եդինայա Ռոսիա» կուսակցության հաղթանակից հետո։ Այս մասին հայտնում է «Ինտերֆաքս»-ը։
Լրատվամիջոցի աղբյուրներից մեկը հայտնել է, որ խորհրդարանի ստորին պալատում կարող են հայտնվել «Տաղանդ ու հաջողություն» հիմնադրամի ղեկավար Ելենա Շմելևան ու երեխաների իրավունքների պաշտպան Աննա Կուզնեցովան։ Շոյգուն, Լավրովը, Պրոցենկոն, Շմելևան ու Կուզնեցովան կազմում են «Եդինայա Ռոսիա» կուսակցական ցուցակում առաջին հնգյակը։
ՌԴ Կենտրոնական ընտրական հանձնաժողովի վերջին տվյալներով՝ 90,3 տոկոս արձանագրությունների մշակումից հետո, իշխող «Եդինայա Ռոսիա» կուսակցությունը առաջատարն է ընտրություններում՝ հավաքելով դաշնային ցուցակներով ձայների 49․65 տոկոսը։
Էմմա Չոբանյան
