14.12.2025 | 15:42
Կյանքից հեռացել է մանկական վիրաբույժ Ավթանդիլ Հարությունյանը
Եթե նախկինում ձեզ մոտ հանրապետություն էր, ապա հիմա միապետություն է՝ ահա այս կարգախոսով է բուհում առաջնորդվում ՇՊՀ ռեկտորը. նախկին դասախոսներ. ՏԵՍԱՆՅՈՒԹ
Հասարակություն
20.03.2018 | 17:13
Եթե նախկինում ձեզ մոտ հանրապետություն էր, ապա հիմա միապետություն է. ահա այս կարգախոսով է բուհում առաջնորդվում Շիրակի պետական համալսարանի ռեկտոր Սահակ Մինասյանը՝ բացահայտ զբաղվելով կոռուպցիայով: Այսօր լրագրողների հետ հանդիպմանը նշեցին Շիրակի պետական համալսարանի արդեն նախկին դասախոսներ Հովհաննես Խորիկյանը և Գագիկ Համբարյանը:
Աշխատանքից հեռացված դասախոսները պատրաստվում են ծավալուն փաթեթ ներկայացնել ՀՀ գլխավոր դատախազին՝ Շիրակի պետական համալսարանի ռեկտոր Սահակ Մինասյանի անօրինականությունների մասին:
«Պարոն Մինասյանի թեթև ձեռամբ 1-ից 4-րդ կուրսի առկա բաժինների ու 1-ից 5-րդ կուրսի հեռակա բաժինների բոլոր կուրսերի ուսումնական պլանները նույնացվեցին: Համալսարան այցելած նախարարը սա իմանալով ուսանողներին հորդորում էր դատի տալ բուհին»,- ներկայացրեց Գագիկ Համբարյանը:
Ըստ բանախոսների՝ բազմաթիվ ապացույցներ և բացահայտումներ կան ռեկտորի կատարած անօրինականությունների մասին։ Նա կոպտորեն խախտում է բուհի կանոնադրությունը և փոխում է դրանք՝ հարմարեցնելով իրեն:
Հիշեցնենք, որ մարտի 15-ին Հովհաննես Խորիկյանը և Գագիկ Համբարյանը հեռացվել են աշխատանքից՝ էթիկայի հանձնաժողովի վարքագծին չհամապատասխանելու հիմունքով։ Նրանք, սակայն, այս որոշումը դիտարկում են որպես ռեկտորի կողմից իրենց նկատմամբ հետապնդում։
