23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Թուրքիայում հետաքննություն են սկսել փաստաբանի դեմ Հայոց ցեղասպանությունը ճանաչող հայտարարության համար
Քաղաքականություն
17.09.2021 | 21:33
Թուրքիայի Ադանա նահանգի գլխավոր դատախազությունը հետաքննություն է սկսել «Մարդու իրավունքերի ասոցիացիա» (İHD) կազմակերպության տեղական մասնաճյուղի ղեկավար Յակուփ Աթաշի դեմ նրա՝ Հայոց ցեղասպանության վերաբերյալ իր հայտարարության պատճառով, գրում է Duvar-ը։
Աթաշը, որը նաև փաստաբան է, մեղադրվում է «հանրության շրջանում ատելություն ու թշնամանք սերմանելու մեջ»։ Սեպտեմբերի 15-ին նա արդեն ցուցմունք է տվել Ադանայի դատարանում։
Իր ցուցմունքում Աթաշը նշել է, որ «պարզապես իր անձնական կարծիքն է արտահայտել» ու չի ընդունում առաջադրված մեղադրանքը։ Նա նաև ասել է, որ իր դեմ այս հետաքննությունը նպատակ ունի ահաբեկել իրավապաշտպաններին։
Կազմակերպությունն ու Քրդական Ժողովուրդների դեմոկրատական կուսակցությունն ապրիլի 24-ին Հայոց ցեղասպանության 106-րդ տարելիցին նվիրված առանձին հայտարարություններ էին տարածել, որով կոչ էին անում թուրքական պետությանը պաշտոնապես ճանաչել ոճրագործությունները։ Նույն օրը ներքին գործերի նախարար Սոյլուն նշել էր, որ այս հայտարարությունները վկայում են, որ «նրանք միասին հանդես են գալիս ազգի դեմ»։ Նա թվիթերյան իր էջում կիսվել էր հայտարարությունների սքրիշոթերով ու գրել․ «Ցանկանում ենք սա նշել պատմության մեջ»։
Էմմա Չոբանյան
