16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ուկրաինայում լայնածավալ զորավարժություններ կանցկացվեն 15 երկրի մասնակցությամբ
Քաղաքականություն
16.09.2021 | 19:07
Ուկրաինա-ամերիկյան Rapid Trident-2021 զորավարժությունները կսկսվեն սեպտեմբերի 20-ին ՆԱՏՕ-ի գործընկեր 15 երկրների 6 հազար զինծառայողների մասնակցությամբ: Այս մասին այսօր հայտնել են Ուկրաինայի զինված ուժերի ցամաքային զորքերը, գրում է korrespondent-ը:
Տեղեկացվում է, որ վարժանքները կանցկացվեն Լվովի մարզում ու կտևեն մինչև հոկտեմբերի 1-ը, դրանց նպատակն է պատրաստվել բազմազգ ուժերի համատեղ գործողություններին կոալիցիոն օպերացիաների ժամանակ:
Ակնկալվում է, որ զորավարժությունները կբարելավեն ուկրաինական զորքերի պատրաստվածության և արդյունավետության մակարդակը, ինչպես նաև կբարելավվի Ուկրաինայի, ԱՄ -ի և ՆԱՏՕ-ի գործընկեր պետությունների զինված ուժերի շտաբերի համատեղելիությունը:
Նշվում է, որ Rapid Trident-ի պատմության մեջ առաջին անգամ կանցկացվեն բազմազգ գումարտակի ռազմավարական վարժանքներ՝ մարտական կրակով:
Զորավարժությունների ընթացքում նաև նախատեսվում են ուկրաինացի և ամերիկացի դեսանտայինների համատեղ թռիչքներ ամերիկյան C-130 ռազմատրանսպորտային ինքնաթիռից:
Տաթև Ֆռանգյան
