18.01.2026 | 17:17
Bild. Գերմանացի զինվորականները վաղաժամ և «առանց բացատրությունների» լքել են Գրենլանդիան
Թուրքիան ԱԳ փոխնախարարին ուղարկում է Վաշինգտոն՝ ԱՄՆ-ի հետ հարաբերությունների կարգավորման քննարկումների համար
Քաղաքականություն
16.09.2021 | 14:42
Թուրքիան բարձրաստիճան դիվանագետի է ուղարկում ԱՄՆ քաղաքական խորհրդակցությունների նպատակով։ «Ահվալ» գործակալության տեղեկություններով Անկարան այդպիսով ջանքեր է գործադրում երկու երկրների լարված հարաբերությունները հարթելու համար։ Մասնավորապես, նշվում է, որ Թուրքիայի արտաքին գործերի փոխնախարար Սեդաթ Օնալը երկօրյա ուղևորություն է սկսում Վաշինգտոն։ Նա այնտեղ հանդիպելու է պետքարտուղարի տեղակալ Վենդի Շերմանի և պետքարտուղարի քաղաքական հարցերով տեղակալ Վիկտորիա Նուլանդի հետ։
«Երկկողմ հարաբերությունները, տարածաշրջանային խնդիրները և միջազգային զարգացումներն է նախատեսվում քննարկել համապարփակ քաղաքական խորհրդակցությունների ընթացքում, որոնք տեղի կունենան պատվիրակությունների այցի ժամանակ»,- ասվում է Թուրքիայի ԱԳՆ-ի հայտարարության մեջ։
Օնալի այցը նախորդում է Թուրքիայի նախագահ Ռեջեփ Թայիփ Էրդողանի՝ սեպտեմբերի 19-22 ԱՄՆ կատարելիք այցին, որի ընթացքում նա կմասնակցի ՄԱԿ-ի Գլխավոր վեհաժողովին ու ելույթով հանդես կգա։ Բացի այդ, նախատեսվում են Էրդողանի հանդիպումները մի շարք երկրների առաջնորդների հետ։
Էմմա Չոբանյան
