25.04.2026 | 20:38
Գարիկ Կարապետյանը` Եվրոպայի եռակի չեմպիոն, Սիմոն Մարտիրոսյանը մեդալ չնվաճեց
Էմանուել Մակրոնը հայտնել է «Մեծ Սահարայի իսլամական պետության» պարագլխի ոչնչացման մասին
Քաղաքականություն
16.09.2021 | 16:56
Ֆրանսիացի զինվորականները սպանել են «Մեծ Սահարայի իսլամական պետություն» (ISBS) ջիհադիստական խմաբավորման պարագլխին։ Ադնան Աբու Վալիդ ալ-Սահրաուին չեզոքացվել է ֆրանսիական զորքերի կողմից։ Այս մասին իր թվիթթերյան էջում հայտնել է Ֆրանսիայի նախագահ Էմանուել Մակրոնը, գրում է DW-ի ռուսական ծառայությունը։
Dpa գործակալությունը պարզաբանում է, որ ֆրանսիացի զինվորականների տերմինաբանությամբ այս արտահայտությունը նշանակում է, որ հակառակորդը շարքից դուրս է բերվել կամ սպանվել է։
«Սա ևս մեկ մեծ հաջողություն է Սահելում ահաբեկչական խմբավորումների դեմ մեր պայքարում», – ընդգծել է Մակրոնը:
Հավելենք, որ ISBS- ին են վերագրվում Մալիի, Նիգերի և Բուրկինա Ֆասոյի միջև ընկած շրջանում տեղի ունեցած հարձակումների մեծ մասը: Վերջին շրջանում այս ու այլ ահաբեկչական խմբավորումների գրոհայինների հարձակումները հաճախակիացել են տարածաշրջանի խաղաղ բնակչության վրա:
2014 թվականին Ֆրանսիան այս տարածաշրջանում սկսել է «Բարխան» հակաահաբեկչական գործողությունը: Այդ առաքելությանն աջակցում է «Սախելի հնգյակ» (G5) տարածաշրջանային կառույցը։
Ներկայումս Սահելի շրջանում տեղակայված է 5100 ֆրանսիացի զինվոր, սակայն մինչև 2022 թվականի սկիզբը նախատեսվում է նրանց թիվը կրճատել մոտ կեսով և ավարտել ռազմական առաքելությունը:
Տաթև Ֆռանգյան
