30.07.2026 | 17:50
Ինչպե՞ս են փոխվել ծաղկի, ծիրանի և այլ ապրանքների գները ՌԴ սահմանափակումներից հետո
ՀԱՊԿ անդամ երկրների ղեկավարները համատեղ հռչակագիր են ընդունել
Քաղաքականություն
16.09.2021 | 13:21
ՀԱՊԿ անդամ պետությունների ղեկավարները Դուշանբեում համատեղ հռչակագիր են ընդունել, hայտնում է Ռիա Նովոստին։
Մասնավորապես` հռչակագրի տեքստից հետևում է, որ ՀԱՊԿ առաջնորդները Դուշանբեում կայացած նիստում հաստատել են արագ արձագանքման հավաքական ուժերին ժամանակակից զենքով զինելու ծրագիրը։ Երկրների ղեկավարները նաև համաձայնագիր են ստորագրել, որը նախատեսում է ռազմական ոստիկանության, ռազմական հետախուզության, դատախազության ու դատարանների ստեղծում։
Երեք տարով երկարաձգվել են ՀԱՊԿ միացյալ շտաբի պետ գեներալ-գնդապետ Անատոլի Սիդորովի լիազորությունները։ Բացի այդ, կազմակերպության անդամները Աֆղանստանում տիրող իրավիճակի ֆոնին հստակեցրել են Կենտրոնական Ասիայում ստորաբաժանումների օպերատիվ տեղակայման պլանը, որոշել նաև քայլեր ձեռնարկել ՀԱՊԿ հարավային սահմանների պաշտպանության համար։
Հիշեցնենք, որ ՀԱՊԿ նախագահությունն այսօրվանից ստանձնել է Հայաստանը և Հավաքական անվտանգության խորհրդի հաջորդ նիստը տեղի կունենա այս տարեվերջին ՝ Երևանում:
Էմմա Չոբանյան
